Home Policial Polis ta bay keda pone enfasis riba e parti di criminalidad y...

Polis ta bay keda pone enfasis riba e parti di criminalidad y orden publico

103
0
SHARE
- Advertisement -

Alto Comisario Tjon-Kock:

ORANJESTAD (AAN):  Alto Comisario Vanessa Tjon-Kock a splica cu aunke toque de queda a wordo kita, e parti di ciere di establecimento si ta keda na vigor pa 10 pm.

Mester tene cuenta cu esaki ta bay pa servicio pa publico, pero pa loke ta trata e trahadonan den e establecimento, esakinan si lo por keda mas largo, pero no por tin atencion ms na cliente, Tjon-Kock a remarca.

Aworaki no tin toque de queda mas y automaticamente e trahador lo por keda mas largo tambe den e establecimento.

Toque de queda ta nifica cu no por ta riba caya, pero un bes cu esaki wordo kita, por tin e libertad di ta riba caya, a bisa.

Esaki ta nifica cu Polis su trabao ta keda exactamente mescos. Lo keda haci control y Polis lo ta visibel riba caya pasobra tin cu garantisa seguridad.

Alto Comisario a haci un suplica un bes mas pa loke ta uzo di alcohol den trafico. Tur hende kier sali y mester tene na cuenta cu tin diferente lugar cu aworaki tin e oportunidad pa por haci uzo di alcohol.

Polis ta bay keda enfatisa riba dos proceso grandi cu tin cu ta e parti di criminalidad y orden publico, a bisa.

Orden publico ta nifica cu ora cu algo ta sali for di man, automaticamente ta yama polis y polis ta bin y ta actua.

Pa loke ta criminalidad ta pensa riba crimennan cu violencia y tin cu tene na cuenta cu pa loke ta trata orden publico, na momento cu algo sali for di man y cu polis su asistencia ta wordo pidi, no ta bay tin mas e sistema, mescos cu e toque de queda unda tin un boet mara na e delito cu bo a comete, Vanessa Tjon-Kock a subraya.

Den e caso actual, dependiendo di e delito cometi, e persona por keda cera y esaki no tin nada di haber si tin of no tin toque de queda. Cuerpo di Polis lo keda mantene e leynan existente cu polis ta traha cu ne, a enfatisa.    

- Advertisement -

DUNA COMENTARIO

Please enter your comment!
Please enter your name here