Home Policial Polis a aresta homber cu a horta full un botter grandi di...

Polis a aresta homber cu a horta full un botter grandi di gas

675
0
SHARE
- Advertisement -

Ladron cu bastante malasuerte.

ORANJESTAD (AAN): Diadomingo mainta algo pasa di 11’or, un unidad di Polis di San Nicolas a bay na un adres den Dirkszstraat na San Nicolas relaciona cu ladronicia.

   Patruya cu a presenta na e adres a papia cu un ciudadano, kende a raporta cu dos dia prome, esta Diabierna, desconocinan a horta un boter chikito di gas.

   El a sigui declara, cu Diadomingo mainta diripiente el a mira dos homber desconoci pe na altura di Watapana Gezaag. E hombernan aki a saca un boter grandi di gas for di un cas den Watapana Gezaag.  El a mira con e hombernan aki na forma sospechoso a hinca e boter grandi di gas den baul di un Chevrolet color blanco. E vehiculo ta sin ningun plachi number.

   Pa puro malasuerte, ora cu e hombernan a trata na start e Chevrolet, motor no kier a start.  E hombernan a sali for di e auto, y a cuminza pusha esaki riba caminda pa bay cune.

   E ciudadano a dicidi mantene distancia y na forma scondi a sigui nan tras, pa mira unda nan a bay.

   E dos hombernan a yega y finalmente a bay sinta bao di un palo di mata na Weg Rooi Hundo.  Un di e hombernan ta color scur, postura delega, y tabatin barba.  E otro homber ta di postura chikito cu color di cuero bruin.  Parce cu nan a laga e auto atras un caminda.

   Relaciona cu e informe aki, e unidad di Polis no a vacila y nan a bay den vecindario di Weg Rooi Hundo pa controla un que otro.

   Den cura di un cas den Weg Rooi Hundo, Polisnan a mira claramente con un homber e momento ey ta instalando un botter grandi di gas na e gas regulator pafo di cushina.

   E descripcion cu Polis a ricibi un rato prome di e ladron cu a horta e botter di gas na Watapana Gezaag.

   A base di esaki, Polis a acerca e homber pa puntre encuanto e botter di gas y kico e ta haciendo.  E homber mesora a crea un storia, cu el a caba di cumpra e botter di gas ey for di un amigo pa e suma di 35 Florin.

   Polis a puntre, ta cua amigo?  El a contesta cu su amigo ta di inicial J.

   Polis no a kere e storia ey, y tabata mira e comportacion di e homber.  Basa riba declaracion anterior y loke un testigo a mira, a dicidi pa detene eynan mes.  E detencion ta basa riba ladronicia of encubrimento.

   El a wordo hiba pa Warda di Polis unda el a ser pasa pa Recherche pa sigui cu e investigacion.

 

- Advertisement -

DUNA COMENTARIO

Please enter your comment!
Please enter your name here