Home Gobierno Planta di purificacion di awa di Bubali lo wordo modernisa, ademas di...

Planta di purificacion di awa di Bubali lo wordo modernisa, ademas di amplia su capacidad

109
0
SHARE
- Advertisement -

Marlon Croes, Director di DOW

*Cu awa di un calidad alto lo haci menos daño na naturalesa

ORANJESTAD (AAN):  Director di Departamento di Obra Publico (DOW), Ing. Marlon Croes a laga su cu hunto stakeholders a sinta visualisa kico ta e fasenan di habri gradualmente e economia di Aruba bek.

Desde dia 4 di Mei tabata posibel cu por habri den fasenan. E crisis di Covid-19 a siña u par di cos, Croes a indica.

Un di nan ta sigur cu e economia di Aruba ta bay hopi rapido y ta trece cu ne cu tabata tin consecuencianan door di dje. Un di nan tabata e parti di e planta di purificacion.

Tin tres planta di purificacion na Aruba: Parkietenbos, Zeewijk y Bubali. Esun di Bubali ta esun di mas bieu na Aruba. E ta den haci su 50 aña. Den e proceso aki a ripara cu durante e operacion di e hotelnan e ta deliver na e planta aki 8.400 m3 di awa y e tabata riba e capacidad di diseño di e planta pa por procesa e awa na un manera bon y corecto.

Door di e crisis, a bay over na ricibi solamente 3.000 m3 pa dia. E capacidad di diseño di e planta ta 4.500 m3 y e planta ta perform na un manera hopi bon aworaki, Marlon Croes a laga sa.

Por haci comparacion di e awanan y ta wak e flora y fauna den e area di Bubali Plas aworaki cu a reactiva y te hasta mas bestianan a bin den e area.

Pesey aworaki ta hopi importante pa reactiva Aruba y por bay haci algo cu e planta aki. Mester bay over na un upgrading di dje, modernis’e y aumenta e capacidad pa procesa awa. Na momento cu procesa e awa den un calidad halto manera cu a wordo haci aworaki den e crisis, por bay ‘supply’ awa di un calidad halto na e golf coursenan, na e agricultornan, pero tambe na Bubali Plas mes pa tene bibo y pa haci menos daño na naturalisa y medio ambiente.     

- Advertisement -

DUNA COMENTARIO

Please enter your comment!
Please enter your name here