Home Policial Persecusion a-la-pelicula den Noord a finaliza den aresto di chauffeur

Persecusion a-la-pelicula den Noord a finaliza den aresto di chauffeur

3682
0
SHARE
- Advertisement -

ORANJESTAD (AAN): Tabata Diahuebs merdia alrededor di 12:45 pm, cu automobilistanan a notifica Central di Polis cu tin un auto Mitsubishi Lancer color blanco cu number A-70936 ta coriendo malo y iresponsabel riba caminda di Ponton pa Noord, na altura di Kinderhuis Imeldahof.

   Mesora a dirigi un unidad di Polis pa e area, y e agentenan di biaha a yega y di berdad a nota con e Mitsubishi Lancer ta coriendo na forma raro.  Nan a dune señal pa para, pero e chauffeur no ta sigui e ordo di polis.

   Na altura di rotonde nobo di Noord, un patruya di Strandpolitie tambe a yega, y a duna señal di stop na e chauffeur.  Pero esaki n oa haci caso!  El a ignora e ordo, y a djis pasa riba e na rand di e muraya di rotonde pa sigui bay nort.

   Como 240 meter mas panort, net dilanti Ting Zan Hardware, e auto a bira, y bay dal den e patruya di Polis, y despues di esey a bay dal den cura di cas Noord 80.

   Ni pa nada di mundo e chauffeur masculino no kier a kita lock di porta di su auto, ni baha di e vehiculo, y tampoco baha e bentana.  E ora un Polis a dicidi na kibra e bentana banda drechi di e auto, y posiblemente haya un corta hopi chikito.

   Aki nan a bin descubri cu e chauffeur a herida su mes durante e impacto, pero toch ainda tabata resisti.  E ora forzosamente Polis a haya nan ta sake di e vehiculo, y pone abao na suela pa asina nan por a pone su mannan na boei.

   El a wordo transporta cu Vehiculo Special pa Warda di Noord.  Pa awor su Mitsubishi Lancer a keda confisca pa mas investigacion.  E chauffeur awor tin hopi cos pa bay responde na dje.

   En general e dos Polisnan a sali ileso di e caso aki.  Usando un First-Aid Kit eynan mes, otro agentenan a yuda limpia e herida chikito na e man robez di e agente policial, y despues a pone verband rond di dje.

- Advertisement -

DUNA COMENTARIO

Please enter your comment!
Please enter your name here