Home Religion y Espiritualidad Pastor Jairo Maduro ta pidi pa tur esnan cu asisti na Santo...

Pastor Jairo Maduro ta pidi pa tur esnan cu asisti na Santo Eucaristia pa atene nan mes na e reglanan di oro

24
0
SHARE
- Advertisement -

ORANJESTAD (AAN) – Pastor Jairo Maduro y Pader Jose M. Nava ta contento di anuncia cu despues di cumpli cu protocol pa cu covid-19 pa casi seis siman largo, Misa “Inmaculada Concepcion” a habri su portanan diadomingo,  24 di mei pa yama tur fiel bonbini.

   Durante henter e periodo aki pueblo por a sigi Santo Sacrificio di Misa tur dia via medionan social y diadomingo via Tele Aruba y Diario TV.

  Como parokia responsabel ta publica hunto cu esaki e Reglanan di Oro cu lo yuda combati e pandemia mundial den e “normal nobo”. Encarecidamente ta pidi tur esnan cu lo asisti na Santo Eucaristia pa atene nan mes na e Reglanan di Oro y sigi instruccionnan di Ushernan.

Den orario di misa lo nota un cambio, esta cu Misa di 10:00am na Spaño a cambia pa 11:00am. Esaki ta debi na e hecho cu despues di cada Santo Sacrificio mester desinfecta e misa y kier keda cla na ora despues di Misa di 8:00am.

Por fabor tuma bon nota di esaki. Tur otro orario di misa a keda mescos.

Si ta haci un peticion na parokianonan di grupo pastoral, parokial, di oracion y debocion pa duna un man pa yuda desinfecta misa den siman y week-end, despues di cada Sacrificio di Misa. Lo kier yega na un equipo di boluntario vast. Esnan interesa por inscribi nomber despues di Misa den Aula Maria. Danki di antemano pa tur consideracion.

Orario di oficina: e oficina ta sera te proximo aviso. Ta trahandi riba un sistema nobo y eficiente pa facilita peticion pa formulario, copia y intencionnan. Mientrastanto por entrega intencion pa misa na sacristie prome cu cada Misa.

Orario di Comision di Santana ta mescos: Dialuna, diaranson y diahuebs for di 5:00pm pa 6:00pm. Pa ocasionnan di urgencia por yama Sixto Vrolijk na 593 9331.

  Pastor Jairo y Pader Jose M. ta gradici di curason tur hende cu di un of otro forma a brinda nan cooperacion durante henter e temporada cu misa tabata sera pa e Palabra di Dios yega den tur hogar.

   Igualmente ta gradici un y tur cu a contribui cu comestibel pa yuda esnan den parokia cu a perde nan trabou. Dios ta grandi y lo bendiciona tur bon obra den forma generoso.

Ta spera tur hende pa bin alaba y gradici Dios pa medio di su Yiu Hesus pa Su misericordia y amor pa cu e comunidad di Aruba.

- Advertisement -

DUNA COMENTARIO

Please enter your comment!
Please enter your name here