Home Salud Pashentnan di cancer cu a haya Covid-19 tin un tasa di mortalidad...

Pashentnan di cancer cu a haya Covid-19 tin un tasa di mortalidad di 13%

375
0
SHARE
- Advertisement -

ORANJESTAD (AAN): Hendenan cu tin cancer y cu pa malasuerte ta wordo contagia cu Covid-19, tin un tasa di mortalidad bruto di 13%, segun un serie grandi di data publica te cu awor for di un perspectiva multinacional, cu a revela tambe factornan di cancer relaciona cu e aumento di mortalidad.

   E journal medicinal The Lancet a publica e siman aki e prome informacion di e iniciativa internacional di Consorcio Covid-19 y Cancer (CCC19) pa haci analisis di e resultadonan den e poblacion vulnerable aki.

   E datonan di e prome informacion aki di CCC19 a wordo haya via di 928 pashent di Spaña, Canada, y Merca.

   E hendenan cu cancer “ta confronta un inseguridad grandi den e epoca di Covid-19, incluyendo si e balanza entre riesgo y beneficionan den e tratamento di cancer a cambia di un forma fundamental,” ta loke Jeremy Warner di Vanderbilt University a indica.  E ta un di e autornan di e estudio.

   E tasa di mortalidad di e grupo di pashent aki hunto tabata di 13% “mas di e doble di esun raporta pa tur pashent cu Covid-19,” segun Warner a raporta.

   Ademas cierto sub-grupo, manera pashentnan cu cancer activo y esnan cu un estado deteriora tabatin un resultado “mas peor”, segun Warner a indica.

   E data na comienzo “no a mustra ningun asociacion estadistico entre mortalidad na di 30 dia y e tratamentonan contra cancer, loke ta sugeri cu e cirugia, e quimoterapia adyuvante y e quimoterapia di mantenimento lo por sigui durante e pandemia y cu hopi cautela.”

   Mientras cu pashentanan di edad halto y esnan cu malesa cronico tin “un riesgo substancialmente mas grandi di muri di Covid-19, nos prome hayazgo ta noticianan alentador pa e pashentnan sin condicion medico importante cu ta ricibi nan terapia pa cancer dentro di e prome cuatro siman di infeccion,” segun Nicole Kuderer, kende tambe ta autor di e estudio.

   Pero Kuderer cu ta di e grupo di Investigador di Advanced Cancer Research na Seattle, a bisa cu falta di mas dato pa evalua di forma confiable e terapianan individual cu ta core mas riesgo.

 

- Advertisement -

DUNA COMENTARIO

Please enter your comment!
Please enter your name here