Home Parlamento Partido AVP contento cu porfin a yama e reunion riba enseñanza, mirando...

Partido AVP contento cu porfin a yama e reunion riba enseñanza, mirando e “barbaridadnan” di minister Lampe

75
0
SHARE
- Advertisement -

Benny Sevinger:

ORANJESTAD(AAN): Diamars mainta prome cu comienzo di un reunion publico riba enseñanza, partido AVP a tene un rueda di prensa dilanti di Parlamento.

Parlamentario Benny Sevinger a indica cu despues cu basta luna pasa AVP a pidi pa e reunion aki, e ta tuma lugar.

El a splica cu e partido berde a pidi pa e reunion aki, mirando tur e “barbaridadnan” cu Minister Rudy Lampe ta haciendo, unda cu e lo ta tumando decisionnan sin tene cuenta cu e maestronan of cu directiva di scolnan.

“Nos por compronde cu practicamente ningun hende den enseñanza ta di acuerdo cu e minister, pues su actuacion ta iresponsabel”.

“Nos sa si cu decisionnan di e minister no por ta otro cu decisionnan di e Gobierno aki den su totalidad”.

“Mi por a mira Prome Minister bisa e sindicatonan cu ta nan a papia cu minister Lampe, pero esaki ta un ‘nonsense’ di marca mayor”.

“Abo ta e Prome Minister cu tin cu duna den Ministerraad e guia na unda Gobierno ta bay y bo no por laba man awor y bisa cu ta minister Lampe ta esun cu ta tuma e decisionnan aki”, segun Sevinger.

El a sigui bisa cu ta inaceptable pa pueblo di Aruba tuma esaki di Prome Minister.

“No por ta asina cu e minister ta tuma un decision unilateral sin dialoga cu e personanan den e veld di enseñanza y sin dialoga cu Parlamento, cu aña pasa a bise cu nan no ta di acuerdo cu esaki”.

“Parlamento y Gobierno den su totalidad ta acepta esaki for di minister Lampe, pa e solo hecho cu e tin e yabi di Gobierno na e momentonan aki”.

“Nan pensamento ta cu si nos bay contra dje nos tur ta bay cas”, segun Sevinger.

El a sigui bisa cu ta increibel cu nan ta laga un persona tuma decisionnan cu tin di haber cu futuro di nos yiunan y cu esaki ta algo di condena.

- Advertisement -

DUNA COMENTARIO

Please enter your comment!
Please enter your name here