Home General Paisnan rond mundo ta sigui reactiva nan economia pa un “normal nobo”

Paisnan rond mundo ta sigui reactiva nan economia pa un “normal nobo”

160
0
SHARE
- Advertisement -

ORANJESTAD (AAN): Mas y mas pais rond mundo ta suavisando e medidanan cu nan impone pa mitiga e brote di Coronavirus, y asina ta reactiva nan economia.  Pero mas ciudadano ta descubriendo cu e ‘normal nobo’ ta tur cos menos normal.

  A surgi algun realidad caba:  Con lo duna les na scolnan?  Con lo traha den oficina?  Con lo sinta den transporte publico?  Con lo bay atende cliente den Bar?  Con clientenan lo sinta den Restaurant?  Tur esey ta poni riba prome linea di e bida despues di e crisis.  Hopi pais y isla awor tin actividad economico bek, pero no manera di costumber.

   E forma cu cada uno di e sectornan clave aki ta maneha Distanciamento Social, y ta reduci e contagionan nobo, lo determina e forma di e bida diario di miyones di hende, mientras cu investigadornan ta trata na acelera pa desaroya un vacuna cu probablemente por tarda varios luna of aña prome cu e bira disponible.

   Na Italia, awor restaurant y café por habri bek pero cu medidanan nobo di Distanciamento Social.  Slovakia a habri cinema y centronan comercial e siman aki, pero tur cos cu medida nobo y limite di cliente cu por drenta.  Hulanda lo habri bar y restaurantnan dia 1 di Juni.

   Na Zuid Korea, miles di studiante di ultimo semester di scol secundario a haya nan obliga di laga docentenan check nan temperatura, y tin di desinfecta man prome cu nan a drenta klas bek riba Diaranson cu a pasa.  Nan a bin haya nan stul y mesa den klas full rondona pa un shield pa evita cu si nan niester of tosa, esaki lo plama rond, manera por mira riba e potret.

   Pero despues a bin haya sa cu dos alumno na Seoul a registra positivo cu Covid-19, y mesora mas di 60 scol a manda alumnonan bek cas.  Siendo cu e dos alumnonan ey no a ni bay scol mes.  Toch e precaucion aki lo bira parti di e ‘normal nobo’.

  Merca, Rusia y Brasil e momentonan aki ta hayando cantidad record di pashent nobo cu ta test positivo cu Covid-19.  Paisnan cu tambe ta notando mas y mas caso awor tambe ta India, Zuid Africa, y Mexico.

 

- Advertisement -

DUNA COMENTARIO

Please enter your comment!
Please enter your name here