Home General Pa Diadomingo e prome tankero cu gasolin di Iran lo yega Venezuela

Pa Diadomingo e prome tankero cu gasolin di Iran lo yega Venezuela

114
0
SHARE
- Advertisement -

ORANJESTAD (AAN): Un flota di cinco tankero cu ta transportando gasolin for di refinerianan na Medio Oriente, ta cla pa drenta Caribe y asina yega Venezuela.

   Iran a manda como 1,53 miyon di bari di combustible pa Venezuela, segun informacion cu tur dos Gobierno a duna, y confirma pa fuentenan y tambe calculonan haci pa e website di TankerTrackers.com a base di e capacidad di e barconan aki.

   E transporte cu e cinco tankeronan aki a causa un enfrentamento diplomatico entre Iran, Venezuela, y Merca.  Esey debi cu tanto Iran y Venezuela ta bao sancion di Washington, cu ta pensando di tuma medida como contesta pa e situacion aki.

   E prome tankero, esta “Fortune” cu ta nabega bao bandera di Iran, tabata drentando Caribe riba Diabierna.  E ta nabegando cu su señal y position tracker di satelite cendi desde cu el a pasa Suez Canal e luna aki.  E otro cuatro tankeronan ta siguiendo e mesun ruta cruzando Oceano Atlantico.

   Venezuela tabata usa como 170.000 bari pa dia di gasolin prome cu e crisis di Coronavirus a start.  Pero awor gasolin ta scars, y Gasoline Station na Venezuela por bende pa dia solamente 40.000 bari, segun caculonan haci.

   E scarcedad di gasolin na Venezuela a presenta na mas di un decada di mal administracion, falta di mantencion, falta di personal, y awor pa colmo a bin e sancionnan di Merca na 2019. 

   Esaki a limita importacion y a laga refinerianan existente den condicionnan malisimo.  Iran a manda algun equipo directo pa Punto Fijo (Venezuela) pa por yuda refinerianan di estado Falcon y estado Zulia por haci trabao di reparacion.

   Mientras tanto, Iran a manda un advertencia fuerte pa Merca, esta pa nan no mishi ni stroba e transporte cu e cinco tankeronan aki cu ta yegando Venezuela e weekend aki.

 

- Advertisement -

DUNA COMENTARIO

Please enter your comment!
Please enter your name here