Home Coronavirus Orario di Toque de Queda a cambia pa 12 am te 5...

Orario di Toque de Queda a cambia pa 12 am te 5 am

448
0
SHARE
- Advertisement -

Diahuebs madruga no ta bay tin Toque de Queda mas

ORANJESTAD (AAN):   Dialuna mainta, Minister di Husticia, Andin Bikker a haci un anuncio special relaciona cu e orario di Toque de Queda.

El a cuminsa bisando cu den cuadro di Coronavirus, diferente decreto ta wordo publica y decreta. Den fin di siman a delibera y yega na acuerdo riba un par di cambio cu ta drenta na vigor entrante dialuna 25 di Mei.

TOQUE DE QUEDA: El a laga sa cu pa loke ta e Toque de Queda, na lugar di 11 pm, e ta bay drenta na vigor 12 am te cu 5 am. Esaki lo keda vigente pa 72 ora y esey kiermen cu pa diahuebs madruga no ta bay tin Toque de Queda mas, e mandatario a splica.

Bikker a agrega cu tambe ta bay introduci un excepcion durante Toque de Queda pa personanan cu mester sali un tiki mas tempran cu 5 am pa bay prepara nan establecimento pa habri. Por ehempel: gym, clubnan di fitness of cross fit.

ORARIO DI CIERE: Relaciona cu e orario di ciere di e establecimentonan, te cu aworaki, nan tabata tin permiso pa keda habri te cu 9 pm y awor e orario ta bay bira 10 pm.

ENTIERO: E restriccion pa e cantidad di personanan cu por atende entiero ta wordo elimina. Esaki tambe ta bay conta pa otro establecimentonan unda tabata tin restriccion di 15 hende, despues a subi pa 50, pero e restriccion a wordo kita pa e establecimentonan y banda di esey por keda habri te 10 pm, Minister Bikker a anuncia.

ESTABLECIMENTONAN NO ESENCIAL: E establecimentonan cu ta cay como no esencial, esakinan no mag di ta habri ‘at-all’, a remarca. Pero e establecimentonan cu mag di ta habri, nan orarionan ta bay pa 10 pm, a reitera.

RESTAURANT CU TERRACE: Entrante 25 di Mei tambe por habri e restaurantnan cu tin terrace (of espacio habri pafo pa atende cu e clientenan), Minister di Husticia Andin Bikker a duna di conoce.     

- Advertisement -

DUNA COMENTARIO

Please enter your comment!
Please enter your name here