Home Salud Oficina di Turismo di Aruba y Departamento di Salud Publico ta lansa...

Oficina di Turismo di Aruba y Departamento di Salud Publico ta lansa codigo cu protocolnan di higiena y salud

372
0
SHARE
- Advertisement -

ORANJESTAD (AAN) – Aruba, manera mundo completo, actualmente ta adaptando rapidamente na locual ta wordo yama e ‘normal nobo’. Como parti di e preparacionnan pa cu e reapertura di fronteranan, Aruba mester evoluciona como destino turistico pa asina por ta miho prepara pa sigui sirbi nos bishitantenan como tambe e comunidad di Aruba. Pa e motibo aki, e Aruba Health & Happiness Code (HH Code) a wordo crea.

    E protocol y medidanan inclui den e Aruba Health & Happiness Code (HH Code) ta tene den consideracion e diferente proveedornan cu cual bishitantenan lo por tin contacto durante nan bishita. Esaki a wordo haci door di cubri tur punto di contacto den e cadena di suministro.

    Y den cuadro di esaki Oficina di Turismo di Aruba (A.T.A.) den colaboracion cu Departamento di Salud Publico (D.V.G.), Ministerio di Salubridad y socionan clave den e industria turistico ta presenta e ‘Aruba Health & Happiness Code (HH Code)’. E meta tras di e programa aki ta pa sigura cu protocolnan di higiena y salud ta na un nivel cu bishitantenan ta spera ora di bishita un destinacion turistico manera Aruba. Aruba Health & Happiness Code (HH Code) lo cualifica Aruba como un destinacion higienico cu ta cumpli cu proceduranan esencial y estableci pa asina limita e transmision di un enfermedad. 

    A.T.A. y D.V.G. a yega na un acuerdo cu e Aruba Health & Happiness Code (HH Code) lo consisti di dos fase. E prome fase ta enfoca riba e hecho cu cada compania lo mester registra y finalisa e checklist cu ta basa riba e medidanan di D.V.G. E medidanan aki ta enfatisa protocolnan cu ya caba tabata existente y cu a wordo amplia pa asina inclui puntonan di ‘social distancing’ como tambe instruccionnan di higiena pa propio empleadonan. Cada checklist ta traha pa e respectivo sector, asina ta tuma bon nota di esaki.

 

- Advertisement -

DUNA COMENTARIO

Please enter your comment!
Please enter your name here