Home Gobierno Na aeropuerto lo tin 3 tipo di control pa cada pasahero cu...

Na aeropuerto lo tin 3 tipo di control pa cada pasahero cu drenta Aruba 

520
0
SHARE
- Advertisement -

Minister Dangui Oduber:

*Lo apunta un Covid-Hotel pa atende cu turistanan cu ta test positivo na airport

ORANJESTAD (AAN):  Minister di Salud y Turismo, Dangui Oduber ta hopi optimista pa loke ta e proximo pasonan cu lo wordo tuma pa reactiva turismo di Aruba.

El a duna di conoce cu esaki ta un di e decisionnan cu Gobierno hunto cu e Crisis Team lo bay tuma dentro di poco y pesey Aruba Airport Authority ya caba tin su protocolnan cla.

Ta trahando hunto cu Aruba Tourism Authority (ATA), Departamento di Salud (DVG), Aruba Hotel and Tourism Association (AHATA) y Aruba Ports Authority (APA) pa tin e mihor protocol in place pa limita e risico cu ta bay importa casonan nobo.

ATA a prepara un Aruba Health & Happiness Code pa tur establecimento na Aruba mantene nan mes na e certificacion aki pa asina por garantisa e turista cu tur e lugarnan cu nan lo bishita ta cumpli cu tur protocol di higiena y proteccion, Oduber a indica.

E mandatario a sigui bisa cu na aeropuerto, eynan kier ofrece tur e medidanan di proteccion y prevencion cu ta disponibel na e momentonan aki pa asina por garantisa comunidad cu por ta trankil pasobra tin e controlnan necesario cu mester tin na aeropuerto pa controla cada turista cu drenta.

Akinan ta papiando cu lo tin ‘3 layer’ di control na aeropuerto: lo instala ‘thermal cameras’ pa midi e temperatura di cada pasahero cu yega Aruba.

Asina cu identifica un turista cu tin un temperatura halto e ta bay den un camber di isolacion.

Lo test e persona aki na aeropuerto (rapid testing) y ta haya resultado den un ora pa un ora y mey. Si resulta cu e persona ta test positivo pa Covid-19, e lo mester bay un hotel cu lo wordo apunta (Covid-Hotel) y eynan e lo bay hospeda mientras cu ta den isolacion te ora cu nan test sali negativo, cu nan por bula y bay bek nan pais, Minister Dangui Oduber a informa.

Tambe personal di DVG ta bay ta presenta na aeropuerto pa tin un screening 100%. Ta bay tin un checklist tambe cu diferente pregunta y a base di e preguntanan cu ta wordo haci si ta resulta cu tin personanan cu tin e sintomanan conforme e ‘case definition’, DVG tambe lo test pa evita cu un turista cu ta test positivo, ta bay hotel cu e risico cu e ta contagia e empleadonan y otro turistanan, e mandatario a señala.

     

- Advertisement -

DUNA COMENTARIO

Please enter your comment!
Please enter your name here