Home Cultura Museo pa Igualdad: Diversidad y Inclusion

Museo pa Igualdad: Diversidad y Inclusion

83
0
SHARE
- Advertisement -

Dia Internacional di Museo 2020

ORANJESTAD (AAN): Desde 1977, museonan rond mundo ta celebra Dia Internacional di Museo riba of rond di e fecha di 18 di mei. E aña aki  e situacion ta diferente.  Hopi museo ta cera of parcialmente habri pa publico door di e pandemia di Covid 19. 

E corona crisis ta haci cu bida diario a cambia drastico y cu mundo henter tin reto pa desaroya formanan nobo di funciona y anda cu otro.

   International Council of Museums (ICOM)  ta fiha un tema pa cada Dia Internacional di Museo.  E  aña aki e tema ta: ‘Museo pa Igualdad: Diversidad y Inclusion’ .

Banda di educa y informa publico, museonan tin un rol importante pa yuda pomove y desaroya comprendimento, cooperacion y paz den comunidad. Un ehempel con Museo Arqueologico Nacional Aruba ( MANA )a traha riba esaki ta e exposicion temporario “Rancho” na ocasion di su apertura na 2009.  

E exposicion a worde traha    cu e vecindario  cu a  promove comprendimento, cooperacion y tambe orguyo bou  habitantenan.

   Den e era actual tecnologia a bira mas importante pa trece informacion na publico.  Sinembargo e crisis di Covid-19 a haci mas  bisto e inigualdad cu tin entre esun cu tin acceso na Internet y esun cu no tin. Tambe e diferencia den recurso  entre esnan cu y sin trabao a manisfesta su mes. 

Educacion formal digital na Aruba ta worde promovi pero tin scolnan y participantenan cu no ta dispone di ekipo y/o conocimento pa por haci uzo di e tecnologia existente.

   E realidad nobo ta trece reto pa museonan pa busca otro formula pa ofrece  actividadnan recreaccional y educacional  na publico. Teniendo cuenta cu esaki, MANA ta trahando entre otro  riba colaboracion cu otro museonan local, lo trata pa alcansa esnan cu no ta dispone di internet y alavez ofrece programa y actividadnan online. Di e forma aki ta inclui mas  grupo di comunidad.

   MANA ta felicita tur museo y nan personal na Aruba y rond mundo riba nos Dia Internacional di Museo . Nos ta realisa cu e situacion actual tin su posibilidadnan  y nos ta confia cu hunto lo supera e retonan actual. Speranza ta duna bida y union ta haci forsa.

- Advertisement -

DUNA COMENTARIO

Please enter your comment!
Please enter your name here