Home Enseñanza Ministro Lampe indicando cu su Ministerio ta cumpliendo cu hopi punto di...

Ministro Lampe indicando cu su Ministerio ta cumpliendo cu hopi punto di plan di gobernacion

73
0
SHARE
- Advertisement -

ORANJESTAD (AAN): Diamars mainta, Ministro Rudy Lampe a defende su maneho riba tereno di Enseñanza, durante reunion di Parlamento unda oposicion a trece un mocion di desconfianza contra dje.

   Segun Ministro Lampe, den e programa di Gobierno a bisa cu lo revisa e sistema di otorga fianza actual pa estudio.

   Aki Lampe a subraya cu ya caba nan ta ocupa cu esey, y a hasta implementa cambionan den e proceso pa otorga Aruba Lening. Uno di nan ta cu a aumenta edad pa esnan te cu 40 aña ainda por haya Aruba Lening pa bay studia na IPA.

  Tambe ta ehecutando cambio di Aruba Lening pa yuda esnan cu kier haya nan Associate Degree, esta cu MBO Plus tambe por haya placa pa studia pa esey.  E ta parti di e desaroyo nobo cu Gobierno aki a bin cune.

   Ministro Lampe a splica cu eseynan ta desaroyo nobo cu tin.  Ta bezig ta mira con pa stimula estudio den region, incluyendo Merca, pa facilita un mihor futuro pa hobennan, y tin diferente elemento di hervorming pa cu Aruba Lening cu ta den ehecucion. 

   Tambe a pidi pa yega na acuerdo cu Gobierno Hulandes pa bin cu un sucursal di DUO na Aruba tambe, mescos cu tin uno na Curacao.

   Ministro Lampe a bisa cu esaki tambe ya ta cumpli y cu tur hoben tin acceso digitalmente na nan account di DUO y sa con por continua cu nan pagonan.

   Un punto di e programa di Gobernacion ta pa amplia e cantidad di facultad na Colegio EPI y tambe Universidad di Aruba, y crea mas facilidad pa studia na Aruba mes.

   Ya caba ta bezig ta ehecuta esaki, como cu tecnologia ta haci esey posible.  Ya na Aruba mes bo por sigui hopi di estudionan educacion superior, y esey ta bay bira e siguiente proyecto grandi cu ta den ehecucion pa hobennan.  For di Aruba mes tin mas chens, danki na tecnologia di online study.

   Ta pidi tambe pa Colegio EPI finaliza su estudio cu Associate Degree.  Ta bezig cu Management Team nobo, cu tin tarea di haci un di nan unidadnan tin Associate Degree, y nan deseo ta pa e ora e bira e identidad pa henter Colegio EPI cu lo bay ofrece Associate Degree como un fase di bo estudio, pa despues sigui pa Bachelor, etc.

   Tambe e programa di Gobernacion ta boga pa start cu un programa di Bachelor’s Degree pa estudio cu no ta wordo ofreci ainda na Aruba.  Riba esaki Ministro Lampe a contesta, cu Aruba a cuminza cu “System Faculty” na Universidad di Aruba, y e ta den ehecucion tambe.

- Advertisement -

DUNA COMENTARIO

Please enter your comment!
Please enter your name here