Home Enseñanza Minister di Enseñanza ta bin cu cambionan sin dialoga cu maestronan

Minister di Enseñanza ta bin cu cambionan sin dialoga cu maestronan

39
0
SHARE
- Advertisement -

Parlamentario drs. Mervin Wyatt-Ras

ORANJESTAD (AAN) – Parlamentario drs. Wyatt-Ras a cuestiona minister di Enseñanza encuanto cambionan cu e kier bin cune “kort door de bocht” y sin dialoga cu maestonan/docentenan.

 Segun Parlamentario Wyatt-Ras el a wordo aserca dor di diferente persona di veld, tanto maestronan como hoofdnan di skol y mayornan cu ta preocupa pasobra gobierno no ta dialoga ni comunica cu “veld”,  pa loke ta trata e.o. organisacion, ideologia,filosofia y formanan di traha.  Y cu esakinan lo tin nan consecuencia ariba resultadonan di kico nos muchanan por realisa y kico nan por logra.

 Y esaki segun Parlamentario Wyatt-Ras ta preocupa su fraccion inmensamente. Pa loke ta trata e cambionan di organisacion minister kier fuseer diferente scol cu diferente filosofia. Por ehempel Pieterboer school lo bai hunto cu scol protestant Graf van Zinzendorf bou auspicio di SPCOA, Abraham de Veerschool lo bai hunto cu John Wesley bou SPCOA, de Schakel hunto cu Colegio Arubano tambe bou un stichting nobo.

  Y pa Parlamentario Wyatt-Ras, e diferente filosofianan no ta cuadra cu otro. Pakico? Pasobra scolnan publico a wordo netamente lanta pa  haci e.o. posibel cu tur mucha por haya enseñanza. Esey ta un derecho ancra den nos constitucion y segun tratadonan internacional. Dor di filosofia of criteria di cierto scolnansen un fundacion muchanan sa wordo kita den pasado y por a plaats e muchanan aki bek na scol publico. Esey ta un gran ventaha di scolnan publico.

   Minister kier cambio di dia pa anochi, sin consulta cu esnan cu ta traha den e field y esaki ta inaceptable, Parlamentario Wyatt-Ras a sigui bisa. Banda di esey minister kier introduci siñamento ariba distancia. Pues muchanan no mester ta continuamente na scol y por sigui les na/via cas.  E kier introduci’e e.o. a base di Covid.
P.e. muchanan di basis lo haya les 2 dia den siman na skol y 3 dia na cas. Den e caso cu tin otro rumannan e muchanan cu no tin medionan audiovisual na cas, cu tin cu comparti computer cu otro, lo enfrenta dificultad si nan lesnan na cas ta mesun dia y ora. Esey ta si nan tin computer. Si nan no tin computer, nan no por sigui skol na distancia. Tin famia cu no tin ni internet. Pa e mayornan cu un djiez lo bai traha lo ta dificil pasobra nan yiunan lo keda nan so na cas y lo no por guia nan cu scol via distancia. Banda di esey tambe tin e mayornan cu no tin e conocimento pa yuda nan yui cu les. No pasobra nan no kier pero pasobra nan no por.

  Un otro situacion ta muchanan cu ta victima di violencia na cas. Pa e muchanan aki hopi biaha scol ta un lugar “veilig”, un lugar sigur unda nan por papia cu nan maestro. Na cas nan no tin esey. Nan sigur lo wordo perhudica.

  Parlamento a caba di aproba e presupuesto di crisis plan social cu ta inverti 18.6 miyon florin pa proteccion di e muchanan. E cambionan aki di enseñansa riba distancia y na cas lo tin consecuencianan pa e muchanan aki. 

Pa e hecho cu lo kita werksters foi trabou, kendenan ta esencial na e momentonan aki pa cu limpiesa di e scolnan cu lo habri, tin cu expresa palabranan di disgusto.
  E diferente trahadonan cu nan futuro no ta conoci ainda ta invallers, klasse-assistenten, prisma-leerkrachten y trahadornan social cu ta cai bou DPS. Pues tin diferente inseguridad y preocupacion cu no ta wordo discuti cu e maestronan.

  Parlamentario Wyatt-Ras y su fraccion ta haya cu miembronan di e fracionnan cu ta sostene gobierno, cu a para fuerte contra privatisacion di nos enseñanza, awor aki no ta papiando, no ta bisando nada y ta lagando minister haci kico e kier.
Segun Wyatt-Ras na e momento aki ta hopi importante pa tur para fuerte pasobra den Parlamento ta e lugar unda nos por cuestiona gobierno pero nan fraccion a haci 9 intento pa haya un reunion publico cu minister. Minister te ainda no a bin parlamento pa e reunion aki. Presidente di Parlamento no ta yama e reunion, mientras cu niun miembro di coalicion ta cuestiona esey.

  Enseñanza ta esencial pa cada un di e muchanan pa supera nan mes den nos comunidad. Pa nos por yega na un nivel halto y pa e muchanan por haya oportunidad di bai studia afo ta di importancia bon calidad di enseñansa. Cu e cambionan aki sin ta bon planea na un dado momento lo perhudica e muchanan y e futuro generacion.

 

- Advertisement -

DUNA COMENTARIO

Please enter your comment!
Please enter your name here