Home Tempo Meteo a emiti alerta pa biento duro

Meteo a emiti alerta pa biento duro

97
0
SHARE
- Advertisement -

ORANJESTAD (AAN):  Departamento Meteorologico Aruba a emiti un alerta pa biento cu duro lo drenta na vigor awe tardi 6’or.

Un aviso pa boto chikito pa lama habri y especialmente areanan cerca di  costa oost te noordwest lo drenta na vigor mañan mainta 6 ‘or.

 Diferencianan di presion den region zuid di Caribe atrobe ta birando mas grandi y esaki lo haci cu biento lo bai supla mas duro durante proximo dianan. ta spera velocidadnan di biento di 23 te 27 nudo y ta anticipa cu lo por tin rafaganan cu de bez en cuando lo por yega 35 nudo (beaufort 8).

Esaki lo haci cu lama na su turno tambe lo bira bruto na cierto localidadnan cu olanan di 8 te posiblemente 9 pia na partinan oost te noordwest di costa y lama habri.

 

Accion de precaucion….

Ta pidi publico pa tene cuenta cu e biento duro; especialmente na usuarionan di lama y marineronan ta wordo urgi pa tene cautela riba lama habri y cerca di costa ya cu e biento duro lo bai causa lama localmente bastante bruto.

- Advertisement -

DUNA COMENTARIO

Please enter your comment!
Please enter your name here