Home General Husticia mester actua awor contra Bo Aruba y corupcion

Husticia mester actua awor contra Bo Aruba y corupcion

166
0
SHARE
- Advertisement -

Ley cu ta regla uzo di placa di pueblo mester wordo aplica

*Hulanda tin tur prueba con a viola leynan pa gasta placa

*Un fondo di 1.6 Biyon di placa di belasting uza contra ley

ORANJESTAD(AAN)–Algo historico a sosode e siman aki ora Hulanda a mustra cu pa e yuda Aruba den e crisis provoca pa e coronavirus nobo, mester evita abuso di placa di pueblo y pa pueblo.

Realmente Hulanda a dal e clabo riba e cabes, pasobra esaki ta loke DIARIO tambe ta bisa y ta sigui bisa for di 2018 ora Aruba mester a introduci cantidad di medida pa enfrenta un situacion di desastre causa pa abuso di placa di pueblo dor di politico.

Pa deshaci di historia, defensornan di gobierno Mike Eman continuamente ta trece dilanti cu no mester sigui papia di e debe nacional ni e forma cu gobierno anterior a abusa di placa di Aruba.

Segun e teoria aki, awor pueblo mester sigui paga e debenan cu nan a laga atras, pero mester cera boca y no bisa pakico awe e ciudadano respetuoso di ley, no tin basta cuminda riba su mesa y pakico Aruba a zink.

Nos mester ta franco. Si no ta pa e medidanan cu gobierno Wever-Croes a cuminsa tuma na 2018, Aruba lo a zink.

Realmente Aruba a cuminsa zink pasobra Aruba a perde su autonomia y Aruba a perde su cara den Reino a base di abuso cu a wordo haci cu placa di pueblo, contra leynan cu awor Hulanda mester exigi tambe pa wordo aplica.

E acuerdo di Citgo, cu a bira un desaster total y cu tambe mester wordo investiga hunto cu Refineria di Aruba y tur loke tin relacion cu e acuerdo aki,  tabata contra tur ley di e pais.

No solamente a tene Parlamento for di tur discusion cu Nicolas Maduro, pero hasta a evita cu Parlamento por a aproba e acuerdo cu control rigido cu ley ta exigi. Cu otro palabra, manera rapport ta splica, na forma ilegal y contra ley a pasa e acuerdo di Citgo, cu tabata un bofon contra e pais.

Hulanda mester exigi Husticia dicidi kico ta haci cu e proyecto Bo Aruba, cu tabata creacion di un fondo pa hunga politica sin control cu Ley ta exigi.

A faya cu e reglanan pa prepara un proyecto, cu ni Hulanda ni Parlamento por a controla. A trapa riba leynan cu ta bisa con mester atende cu placa di pueblo pa habri e posibilidad pa sigur ex Ministro Presidente Mike Eman y Ministro Benny Sevinger (manera e rapport di Algemene Rekenkamer Aruba ta bisa claramente) haci y deshaci manera tabata kier cu e fondo di pueblo di Aruba.

Awe Aruba mester cera su boca ora Hulanda lansa acusacion cu Aruba tabata incapaz di carga su economia.

Hulanda tin rason pa loke ta trata gobierno anterior, cu a zink e situacion financiero di Aruba y ta haci cu no solamente Aruba a bira un pais pober cu no tin fondo pa maneha su necesidadnan pero na mes momento cu Aruba den futuro insigur, lo mester paga pa proyectonan,  cu por a wordo construi cu menos gasto.

Hulanda a confirma e siman aki cu abuso a wordo haci di Aruba cu e maneho financiero cu a wordo hiba.

Awor Hulanda mester percura pa Husticia actua manera mester actua contra crimen, cu ta nifica actuacion contra ley cu ta bini dilanti a base di e Ley di Contabilidad.

Rapportnan oficial ta mustra cu gobierno anterior a kibra ley pa gasta placa di Aruba. Hulanda a confirma esaki for di 2014 y awor ta seya su ponencia cu kiebra di nos autonomia.

Awor Hulanda mester actua y pidi Ministerio Publico pa atende tur e casonan cu tin den man di Husticia, hunto cu e rapport di Bo Aruba, cu ta un documento historico di abuso di placa di pueblo.

 

 

 

 

- Advertisement -

DUNA COMENTARIO

Please enter your comment!
Please enter your name here