Home Hudicial Hues a declara liber sospechoso di tira homber den lomba

Hues a declara liber sospechoso di tira homber den lomba

686
0
SHARE
- Advertisement -

Fiscal a exigi 10 aña di prison

ORANJESTAD (AAN): E homber  A.G. acusa di intento mata y posecion di un arma di candela, a wordo declara liber. Tratamento di e caso aki a tuma lugar algun siman pasa caminda Fiscal a haya tanto A.G. como C.K. culpable di intento di mata y a exigi 10 aña di prison pa tur dos.

   Ta asina cu Hues a duna sentencia tempran pa A.G. Esey a sosode Diaranzon 2’or di merdia. A.G. a wordo representa pa abogado mr. C.Lejuez.

   E acusacion contra A.G. ta cu riba 29 di Juli 2019 hunto cu C.K. a tira riba e hombernan W. y M., kendenan tabata riba un veld di basket na Village. E homber W. a wordo herida den lomba cu consecuencia cu e no por cana mas. Tambe A.G. ta wordo acusa cu riba 20 September 2019 e tabatin un otro arma di candela. Tambe cu A.G. riba 29 Juli 2019 a menaza agente di Polis y miembronan di ambulance di lo tira nan, cende nan cas na candela.

   Hues den su sentencia a bisa cu e no ta haya legalmente proba cu A.G. a tira y tampoco cu e tabatin arma di candela. Hues a declara A.G. liber pa e dos acusacionnan ey. Hues a haya A.G. culpable pa a menaza Polis y personal di Ambulance cu morto. Hues a condena A.G. na un castigo di prison igual na e tempo cu e ta sera den KIA esta 245 dia. Hues a ordena pa laga A.G. den libertad.

   Pa loke ta e otro sospechoso C.K. dia 29 di Mei 2020 lo tin sentencia.

 

- Advertisement -

DUNA COMENTARIO

Please enter your comment!
Please enter your name here