Home General Horcannan lo bin bishita un Caribe cansa y pober despues di Covid-19

Horcannan lo bin bishita un Caribe cansa y pober despues di Covid-19

2871
0
SHARE
- Advertisement -

ORANJESTAD (AAN): Na e momento aki tur aña, mayoria isla den Caribe ya caba a cuminza corta takinan di palonan di mata, lo a corta y kita hopi coco cu ta colga na halto den palo, y haci rooi, riolering, y tur entrada di dam limpi, y tambe haci simulacro di evacuacion, di yudanza, y ta check tur vehiculo di rescate, di Bombero, y tambe percura cu tin stock suficiente di remedi.   Pero masha poco di esey ta pasando e biaha aki den 2020.

   Full gasta y cansa pa e combate contra e Coronavirus nobo, y cu fronteranan cera pa turismo (e entrada principal), cu hopi di nan recursonan material y recurso humano full gasta, e paisnan den e region aki cu hopi biaha ta haya bishita di horcannan terible, ta lesa cada biaha den corant con expertonan ta pronostica cu e lo bay ta un temporada di tormenta hopi duro e biaha aki.

   Ta ser calcula cu entre Juni te cu 30 di November, lo forma entre 13 pa 19 tormenta tropical cu nomber.  Di nan, entre seis y 10 lo haya forza di horcan cu biento riba di 120 km/h, y di tres pa seis lo por tin un poder devastador, segun un rapport di National Hurricane Center na Florida ta indicando.

   E biaha aki ta spera cu e lo ta un Hurricane Season hopi activo mes.  Segun e meteorologo Ursula Pamela Garcia di NHC Miami, e aña aki Oceano Atlantico ta mas cayente, y hunto cu otro fenomenonan climatico lo favorece e nacemento di horcan, pero ta imposible pa sa cuanto lo subi tera y laga casnan sin dak, terenonan full destrui, y bida humano perdi.

   Pa colmo e aña aki ya caba a conoce Tropical Storm Arthur siman pasa, y awor tambe a caba di conoce Tormenta Tropical Bertha e siman aki.  Esaki por ta un preview di loke Caribe por spera, y net den e temporada di crisis aki, e lo ta un doble pesadiya.

   Awor cu e islanan ta luchando contra e brote di Coronavirus, nan lo bay topa tambe un temporada di hopi awacero y cu hopi mas reto.  E rapport ta presenta un escenario ‘complica’ den cual ta mezcla e dificultadnan pa prepara evacuacion, prepara lugar di refugio, y organiza cadena di suministro cu e necesidad pa mantene distanciamento social, y tambe reglanan sanitario pa evita e brote di Covid-19.

    Gobiernonan tin di ‘haci lo posible pa garantiza cu e Departamentonan cu ta traha riba desastre, hunto por identifica e contagiamentonan.  Esaki ta e unico forma cu autoridadnan por guia esnan cu ainda ta vulnerable pa e infeccion pa nan bay den refugionan sigur contra e virus.

   Expertonan a nota cu den 2020, Caribe y Latino America lo bay tin e peor caida di nan economianan nacional den historia.

   Pues Horcannan lo yega y haya un Caribe hopi cansa, y full pober debi na Covid-19.  Lo tin di bay tuma extra esfuerzo pa enfrenta e mal temponan ey.

 

 

- Advertisement -

DUNA COMENTARIO

Please enter your comment!
Please enter your name here