Home General Horario nobo pa Toque de Queda na Aruba

Horario nobo pa Toque de Queda na Aruba

635
0
SHARE
- Advertisement -

YA DESDE DIAHUEBS 21 di Mei 2020, a cuminza cu
horario nobo pa Toque de Queda na Aruba.

Gobierno a anuncia e horario nobo di Toque de Queda:
11:00 pm te cu 5:00 am.

Sinembargo Gobierno ta haci un suplica dramatico pa
chauffeurnan atene nan mes na reglanan. Esey ta debi cu
ultimo biaha cu a cambia e horario, autoridadnan local a
mira casonan cu a aumenta di accident y hende nan cu
trauma cu a keda interna na Hospital.

AWOR SI BO POR CANA DEN BO CURA ANOCHI
E CAMBIO DI Toque de Queda cu a cuminza Diahuebs
21 di Mei 2020 a trece un cambio cune. Ademas di ta for
di 11:00 pm te cu 5:00 am, awor e control di Polis lo ta
solamente riba caminda publico. E limitacion di ta den
bo cura, of dilanti bo cas riba bo tereno no lo tey mas. E
boet y proceso ta keda mescos.

SHELTER-IN-PLACE TA WORDO ELIMINA
DESDE DIAHUEBS CABA a dicidi na elimina e regla
di “Shelter-in-Place” pa Aruba. Tambe a kita e
‘Samenscholingsverbod’ pa Aruba.

CU VERGUNNING BO POR HASTA PISCA ANOCHI
OTRO REGLA CU a cambia pa Toque de Queda
entrante Diahuebs 21 di Mei 2020 ta cu lo bay permiti
piscadornan pa keda anochi laat riba lama.

E excepcion aki ta pa trafico maritimo, y ta duna e piscadornan cu ta
registra (vergunning di Santa Rosa), e luz berde pa nan
pisca hasta ddurante Toque de Queda riba lama. Nan
mester tin e registro aki, pasobra e control riba lama lo
sigui wordo haci.

CANTIDAD DI NEGOSHI A REGISTRA PA HH-CODE
E ASINAYAMAAruba Health & Happiness Code (HHCode)
cu e siman aki a wordo lanza, ta pa duna companianan
local un ‘sello’ pa nan pone na nan entrada di
negoshi pa garantiza e turistanan cu e lugar aki a wordo
registra y inspecciona como lugar safe y cu ta cumpli cu
tur regla pa mitiga brote di Coronavirus.

Ya caba hopi negoshi a registra y participa den e webinar di e Health
and Happiness code. Te aworaki negoshinan cu a registra
ta:

83 negoshi den sector Retail.
129 negoshi den sector F&B.
105 negoshi den sector Accomodation.
5 negoshi cu ta Truck di Cuminda.

SALON DI BEYEZA Y BARBERO LO HABRI DIALUNA
OTRO SECTORNAN CU por habri entrante Dialuna
25 di Mei 2020, den cuadro di reactiva economia di
Aruba, lo ta e.o.

Restaurantnan pero bo por sinta y come
solamente na e parti pafor. Tambe por habri porfin
negoshinan salon di beyesa y barbero.

Esaki ta algo cu hopi hende ta pidi pa algun tempo caba. Reglanan di
Distanciamento Social, higiena, y proteccion personal ta
valido. Lo bay tin sigur hopi hende buscando cita.

PORFIN GYM Y CROSS-FIT LO HABRI DIALUNA
ALGO CU HOPI hende tabata spera riba dje, porfin lo
habri entrante Dialuna 25 di Mei.

A yega na un concensus cu por a habri gym, despues cu DVG a tene un presentation y duna nan regla/protocol na 21 gym local.

Diasabra lo tin siguiente reunion cu nan. Tur miembro di
Gym y Cross-fit tin di cumpli cu reglanan estricto.

Abo como miembro corda bay na ora, na tempo, percura pa no
tin aglomeracion di hende pa ora di drenta.

Mantene distancia social. Bay cu bo mesun serbete, mantene bon
hygiena, haci limpieza regular.

Despues di cada session, haci bo area y aparato limpi.

Esey ta conta tanto pa miembro como empleado.

Corda bay cu bo mesun botter di awa, pasobra ta desconseha uso di watercooler.

- Advertisement -

DUNA COMENTARIO

Please enter your comment!
Please enter your name here