Home Gobierno Gobierno lo no bay kita Huurgrond di ningun hende cu keto bay...

Gobierno lo no bay kita Huurgrond di ningun hende cu keto bay ta plantando

64
0
SHARE
- Advertisement -

ORANJESTAD (AAN): Diahuebs mainta Ministro Marisol Lopez-Tromp di Infrastructura, a mustra cu Gobierno ta bay traha rapidamente riba e plan pa duna mas hende un tereno ‘huurgrond’ pa asina nan por cuminza usa esaki pa agricultura.

   Manera ta conoci, durante e crisis di Coronavirus, pa 2 luna largo a nota cu e interes di pueblo pa cuminza planta mata, berdura, y fruta a bin bek dilanti y esaki ta exactamente loke Gobierno ta tratando di stimula tambe.  Buscando forma pa Aruba cuminza crece mas su mesun cuminda.

   Ministro Marisol Lopez-Tromp a mustra cu Departamento di DIP a traha un mapa di Aruba cu a wordo dividi den diferente zona.  Y por a nota cu tin area dedica pa naturaleza, na paisahe, y area residencial, area pa desaroyo, area pa industria, area turistico.

   Muy en particular por mira areanan cu ta dedica pa bay bira como lugar pa bira Huurgrond.

   Manera ta conoci, tin hopi hende na Aruba cu pa hopi aña ta planta, y como cu awor diripiente tin mas interes pa start cu agricultura, recientemente DIP a presenta e maneho cu ta bay cuminza pa confirma y re-confirma esnan cu a haci peticion pa haya tereno pa cuminza planta.

   Pero pa haci esaki, DIP tin di update tur dato y peticion.  Hopi ciudadano ya caba a reacciona, y a manda nan peticion tanto online como tambe por escrito.  Ainda tin tur tempo pa sigui haci e peticion aki, segun Ministro Lopez-Tromp a bisa.

   Di e forma aki ta yuda DIP update tur e peticion pa otorga Huurgrond.  Gobierno ta stimulando tur esnan cu seriamente ta interesa pa cuminza cu agricultura y planta riba e tereno.

   Ministro Lopez-Tromp a trankiliza tambe esnan cu tin un Huurgrond di hopi tempo caba, pues pa ‘onbepaalde tijd’, esnan cu di antes caba ta plantando y ta activo ainda den agricultura, y cu a haya e tereno via di nan welo, of tata, esakinan lo no wordo kita. 

   Mas bien ta sigui stimula e cultura unda ta traspasa e amor pa planta y e seguridad di dje pa otro generacionnan.

   “Nos no ta bay kibra esaki, y semper cu ta cumpli cu e meta di e tereno aki y cu ta stimula tur esnan cu ta sigui cu e trabao pa planta terenonan,” Ministro Lopez-Tromp a bisa.

 

- Advertisement -

DUNA COMENTARIO

Please enter your comment!
Please enter your name here