Home General Fundacion Pa Nos Muchanan kier stimula mayornan pa haci tur tipo di...

Fundacion Pa Nos Muchanan kier stimula mayornan pa haci tur tipo di actividad cu nan yiunan

41
0
SHARE
- Advertisement -

*Internet ta brinda hopi opcion

ORANJESTAD(AAN): Dialuna durante e programa di informacion di Gobierno, Felishah Ponson, Pedagogisch Medewerker di Fundacion Pa Nos Muchanan (FPNM) a duna informacion importante.

El a splica cu nos ta den un situacion cu nunca nos a spera di ta aden.

“FPNM su meta ta pa yuda guia y conseha mayornan di muchanan di 0 pa 12 aña y tambe e lidernan di crèche”.

“Nos ta haya hopi importante pa e lidernan di crèche keda den contacto cu nan muchanan, aunque nan no ta ricibi muchanan aworaki”.

“Prome cu e situacion aki e muchanan tabata pasa hopi tempo na crèche of na trai merdia, unda cu nan tabata pasa hopi tempo cu no solamente e lidernan, sino tambe cu e otro muchanan”.

“Pesey nos ta haya importante pa e lidernan keda den contacto cu e muchanan y mayornan”, segun Ponson.

El a sigui bisa cu tin diferente manera pa haci esaki, usando tecnologia manera por ehempel Whatsapp, unda cu por traha un group chat cu e mayornan.

Por manda actividadnan via e group chat  y por haci uso tambe di video call.

“Video call ta hopi leuk, pasobra e mayornan por cuminza e video call, unda cu tur e muchanan por ta riba pantaya y papia cu otro”.

“Tambe por lesa buki pa nan, conta un storia of  canta cantica cu nan”.

“Asina bo ta mantene e relacion cu bo a traha asina duro riba dje pa asina tanto tempo”, segun Ponson, kende a indica cu e muchanan tambe ta keda den contacto cu otro asina.

El a sigui bisa cu ta importante tambe pa wak con a bay cu e muchanan

Tambe ta bon pa yuda e mayornan cu actividadnan cu nan por bin cune pa nan yiunan.

Por ehempel mayornan por bay na FPNM pa busca paketenan cu nan por uza cu nan yiunan, of e fundacion por trece esaki pa nan.

“Como mayor bo tin cu bin cu algo pa yena e oranan di dia pa bo yiu, pues bo por pensa riba categoria di actividad, por ehempel actividadnan paden y actividadnan pafo”.

“Paden e muchanan por pinta cuadra, haci obranan di man of hunga weganan di mesa y pafo por laga e muchanan saca nan energia door di core of hunga weganan di bala etc., segun Ponson.

El a sigui bisa cu si e mayornan no tin mucho wega di mesa, nan mes por traha weganan simpel di mesa.

Segun e Pedagogisch Medewerker, e mayornan por haci bon uso di internet pa haci actividadnan cu nan yiunan.

Por ehempel zumba online, of otro websites manera un webcam na Africa, unda cu e muchanan por wak e bida salvage di e animalnan.

Segun Ponson tin un cantidad di actividad educativo cu bo por haci cu bo yiunan online.

 

 

- Advertisement -

DUNA COMENTARIO

Please enter your comment!
Please enter your name here