Home Gobierno Fase 3 lo inicia dialuna 1 di Juni y mas sectornan tambe...

Fase 3 lo inicia dialuna 1 di Juni y mas sectornan tambe lo habri bek

472
0
SHARE
- Advertisement -

Minister President Evelyn Wever-Croes:

*Lotto, spa, restaurant paden, panaderia…

ORANJESTAD (AAN):  E normal bek no ta bin nunca mas. E normal nobo si y tin reglanan nobo ta na vigor. No tur sector di e economia a habri ainda. Ta den e Fase 2 di apertura di e sectornan economico ainda, Prome Minister Evelyn Wever-Croes a indica den conferencia di prensa diaranson anochi.

Aruba a dicidi di habri su economia den 4 fase. Dialuna awor, 1 di Juni lo inicia e Fase 3.  Fase 3 ta habri e posibilidad pa bende Lotto, catochi, Weganan di number, pero no ta permiti pa habri Casino ainda.

E mandatario a remarca cu e orario di ciere pa bende lotto y catochi ta te 6:30 pm y teniendo cuenta cu e reglanan di distancia fisico y higiena.

E di dos categoria cu ta bay habri den e fase 3 ta restaurant paden, bar y e lugarnan cu ta sirbi coffie (coffee shops) y panaderianan. Mester tene cuenta cu e orario di ciere ta bay ta 10 pm durante henter e fase aki.

Restaurantnan y cualkier establecimento cu tin un orario di ciere di 10 pm, esey ta conta pa clientenan, a subraya. E clientenan no por ta den e restaurant mas despues di 10 pm. Si e restaurant tin mester di personal pa haci limpiesa, esey por pero no por tin cliente den e restaurant despues di 10 pm.

E di tres categoria cu ta bay habri tambe durante di e fase 3 ta spa, salonnan di masahe y sauna.

Den tur tres categoria ta keda vigente e protocol di higiena y distancia fisico. E mandatario a señala cu e hand sanitizer, labamento di man, etc ta keda vigente.

Mientrastanto, tur e otro cosnan ta keda manera cu e ta den e normal nobo. No ta tur sector ta habri ainda manera casino y nightclub. Tur protocol di higiena y distancia fisico ta den man di comunidad, Premier Wever-Croes a enfatisa.

Si bo yega un caminda y ta yen di hende, no drenta. Of acerca e doño of e manager y bis’e cu e no ta ateniendo su mes na e reglanan. Locual mester haci di awor en adelante ta carga e responsabilidad di propio bienestar y di bo famia.     

 

 

- Advertisement -

DUNA COMENTARIO

Please enter your comment!
Please enter your name here