Home General Famia a descubri saconan benta mey-mey di caminda cu casi 1 miyon...

Famia a descubri saconan benta mey-mey di caminda cu casi 1 miyon Dollar aden

6014
0
SHARE
- Advertisement -

ORANJESTAD (AAN); Un famia di Virginia a keda boca habri, ora cu nan a bin descubri cu saconan cu tabata mey-mey di caminda, y cu accidentalmente nan a pasa nan auto riba nan, tabata yena cu Dollars.

   Emily Schantz di Caroline County na Virginia, a bisa cu e tabata coriendo auto cu su famia, ora cu nan a pasa riba loke el a kere ta saco di sushi benta abao riba caminda.

   E famia a stop, y a bay recoge e saconan y benta nan den baki di nan pickup, y tabatin un otro mas como 5 meter mas leu, y esey tambe nan a benta den nan vehiculo.

   Ta te ora cu nan a yega cas y a bay check e saconan, nan a bin realiza cu cada uno ta pata-pata cu placa.

   “Den e saco tabatin mas saco di plastico, y nan tabatin palabra riba nan skirbi ‘Cash Vault’,” segun Emily a bisa.

   E famia mesora a yama nan Sheriff pa bay busca e saconan.

   “Pa un hende cu ta asina honesto, y dispuesto pa duna casi 1 miyon Dollar bek, e ta algo excepcional di nan parti,” ta loke un vocero di Polis a revela.

   Te ainda no tin informacion con exactamente e placa aki a finaliza riba caya.  Autoridadnan keto bay ta investigando, pero Sheriff ta kere cu e saconan aki yen di placa ta pertenece na US Postal Service, y cu e placa tabata mester a wordo deposita na Banco.

 

- Advertisement -

DUNA COMENTARIO

Please enter your comment!
Please enter your name here