Home General E contesta di Evelyn Wever-Croes a bisa tur cos!

E contesta di Evelyn Wever-Croes a bisa tur cos!

3662
0
SHARE
- Advertisement -

Un lider mester di caracter pa por dirigi un lucha

*Aruba a haya un bista di loke campaña electoral lo ta

*Ni dolor di luto a stroba un gobernante atende su deber

ORANJESTAD(AAN)–Na momento cu a wordo anuncia cu sindicatonan di gobierno ta bay drenta den protesta, e mayoria na Aruba a comprende kico tabata pasa.

For di momento cu eleccion 2017 tabata tras di lomba y pasobra e votegetter mas grandi di Aruba no a asumi responsabilidad di gobernacion, Evelyn Wever-Croes a acepta pa forma un gobierno.

Cu e tin curashi y no tin miedo di nabega den lama bruto, ta loke pueblo a pensa a base di e experencianan cu historia ta carga di relacionnan politico familiar y entre otro e relacion entre Betico Croes y Evelyn Wever-Croes.

Betico Croes a entrega Aruba e loke el a priminti. Contra tur expectativa y lucha contra su persona hasta na Aruba, el a sali dilanti y a entrega Aruba dia Prome di December e Status Aparte cu el a priminti e pais.

Na 2017, Evelyn Wever-Croes a demostra cu e ta honra e decision di pueblo y ta acepta di ta miembro di Parlamento pero tambe di asumi e posicion di Ministro Presidente den tempo sumamente dificil.

Hopi a pensa cu e lo no a mira 2020 como Ministro Presidente y tur intento politico directo a wordo haci, pa e retira como Ministro Presidente, aunke el a wordo forsa dor di constitucion di Aruba pa forma un gobierno ya cu e votegetter mas grandi a dicidi cu e no ta nabega e barco mas.

Na 2020, futuro tabata tin un sorpresa mas pa Evelyn Wever-Croes ora banda di e peso di debe nacional, debe pa proyectonan pafo di presupuesto, fracaso di Citgo y falta di responsabilidad for di 2014 pa tuma medida, el a haya e tarea di mira con ta haci den e caos mundial di Coronavirus.

Otro politico na su luga, lo por a bay sconde por ehempel den un Fort. El a keda na e timon y a lucha cu Hulanda, cu bou condicionnan ta evita cu Aruba ta zink. Hulanda hasta a admiti loke semper DIARIO a bisa cu Gobierno Mike Eman a destrui autonomia di Aruba.

Diaranson, mientras dolor di a perde su sobrina tambe tabata su compaño,  como Ministro Presidente el a confronta e manifestantenan cu no kier pa e mishi cu nan placa.

Manifestantenan, cu mescos cu tempo di Betico Croes, ta exigi pa no ta e gobierno cu pueblo ta eligi, pero nan mes, ta dicidi kico mester pasa.

Evelyn Wever-Croes a acepta e reto. Aruba a mira un hende, un Minister Presidente firme, a atende na un forma democratico cu un marcha cu sin duda lo por a afecta mundo politico y eleccion 2021.

El a keda trankil. El a invita nan pa un combersacion. Asina e asunto a termina Diaranson.

Mester bisa algo mas? E contesta di Evelyn Wever-Croes a bisa loke mayoria di pueblo a pensa.

E participantenan na e marcha por a bolbe na salida di e manifestacion y drenta nan auto den vecindario di cas di un partido y bay nan cas.

 

 

- Advertisement -

DUNA COMENTARIO

Please enter your comment!
Please enter your name here