Home Parlamento E añanan cu MEP ta gobernando nunca a percura pa Brandweer haya...

E añanan cu MEP ta gobernando nunca a percura pa Brandweer haya ningun materiaal y ningun auto nobo

270
0
SHARE
- Advertisement -

Parlamentario Arthur Dowers

ORANJESTAD (AAN) – Parlamentario Arthur Dowers miembro di fraccion di AVP ta mustra cu e unico excusa cu Minister Bikker tin pa su fracaso, ta di bisa cu ta un ‘herencia’ el a haya caminda e no por regla nada aworaki.

“Andin Bikker ta bay cumpli tres aña como Minister di Husticia pero ainda nada di un maneho nobo y diferente.

Mas cu dos aña den e posicion di Minister di Husticia pero ainda Andin Bikker no por haci algo pa mustra su vision cu semper el a soña di tin y tur cos cu el a priminti pueblo cu e lo bay haci asina cu e huramente como Minister.

 Parlamentario Dowers a sigui bisa cu Minister Bikker continuamente ta bisa cu e ta haci tur cos fragmatico, cu e tin solucion pa tur cos y cu e lo no bay inventa ningun wiel, pa motibo cu tur problema caba tin solucion. E minister aki tin tres aña caba den gobernacion y di tur problema cu el a crea cu su maneho, e no a haya solucion pa esakinan.

 “ Si tene cuenta cu e Minister aki ta bin pafo y papia di un herencia di brandweer, ta bon pa mi persona recorde un rato cu tempo cu mi persona a bira minister di husticia, nunca mi a usa e excuus di a hereda algo di e maneho anterior.

“ Den e prome siman despues di huramente como minister di husticia, mi a haya un sindicato di trahadonan di cuerpo di bombero dilanti porta di mi oficina, masha rabia y protestando cu tur e  añanan cu MEP tabata gobernando, nunca a percura pa brandweer haya ningun material, ningun auto nobo of mehoracion di salario.”

  Gobierno di AVP a traha hopi duro e tempo aya y e herencia cu a laga pa Minister Andin Bikker tabata cu a percura pa despues cu pais Aruba ta existi 25 aña, pa brandweer tin 24 auto nobo pero nunca Bikker a papia di e herencia ey.

  Sinembargo for di dia cu  Bikker a sinta como Minister, el a descuida tur cos di brandweer y no a presenta ningun maneho di mantancion di material di brandweer y awe por a compronde cu ta cu pif paf tin cu cende autonan di brandweer, loke sin duda ta un berguensa grandi.

E Parlamentario a sigi bisa cu nunca  Minister Bikker a bin dilanti y bisa cu gobierno di AVP a drecha e ‘rechtspositie’ di brandweerlieden pa di e forma ey e no tabatin e dolor di cabes ey mas, tampoco el a bisa cu el a hereda na brandweer cu tur e autonan a wordo ‘refurbished’ cu ta otro dolor di cabes cu el a scapa di dje.

 

- Advertisement -

DUNA COMENTARIO

Please enter your comment!
Please enter your name here