Home Enseñanza Distancia fisico, higiena y si ta malo keda cas ta e Covid...

Distancia fisico, higiena y si ta malo keda cas ta e Covid Protocol pa scolnan por habri bek

182
0
SHARE
- Advertisement -

Docter di Mucha Joan Van Heyningen

ORANJESTAD (AAN):   Kico ta e Covid Protocol cu lo tin vigente na e scolnan di Aruba asina cu nan habri?  Esey ta un di e preguntanan cu hopi hende tin, principalmente e mayornan.

Docter di Mucha di Departamento di Salud, Joan van Heyningen, un di expertonan presente durante e mainta di informacion online diabierna mainta specialmente pa e docentenan, a bisa cu tin tres aspectonan basico den e protocol general pa scolnan.

Un di e reglanan lo ta distancia fisico, higiena y si e alumno of docente ta malo pa keda cas, a indica.

Esaki ta loke e Crisis Team a stipula pero cada scol lo por bin cu mas medida acerca, a splica. E protocol ta e base, pero cada scol por bin cu medidanan extra dependiendo di cada situacion.

Tin por ehempel, scolnan di muchanan special, tin kleuter y cada un lo tin cu adapta na nan situacion specifico, Dr. Van Heyningen a bisa. E protocol ta djis un guia pa cada scol sa cu kico nan tin cu tene cuenta cu ne. 

El a agrega cu siman pasa tabata tin un reunion cu varios stakeholder cu presencia di e directivanan di scol y nan a trece nan punto dilanti. Na final a dicidi con por cuminsa poco poco, pasobra a yega tempo y Aruba a ‘crush the curve’.

E docter a señala cu naturalmente tur hende tin miedo pasobra no kier pa niun hende bira malo, pero pesey tin un guia den e proceso. “E ta tempo. Poco poco pa nos sali afor y pa nos purba sigui cu un sistema nobo di biba teniendo cuenta cu no tin Covid awor”.

 

- Advertisement -

DUNA COMENTARIO

Please enter your comment!
Please enter your name here