Home arte y espectaculo Curso di pinta y masterclass di Gustave Nouel lo cuminsa atrobe na...

Curso di pinta y masterclass di Gustave Nouel lo cuminsa atrobe na Hulanda

25
0
SHARE
- Advertisement -

ORANJESTAD (AAN): Teniendo cuenta cu e normanan di seguridad di Gobierno pa mitiga e brote di Coronavirus, e lesnan di pintamento y masterclass di Gustave Nouel por cuminsa atrobe luna di juni na Kunstcircuit, cu ta un di e centronan di Arte mas importante y grandi di Deventer y region na Hulada.

   Pa esnan cu kier siña pinta portret, tin un curso intensivo especial pa principiantenan cu ta cuminsa diamars dia 2 di Juni, y desde diarazon dia 3 di juni, lo cuminsa un masterclass pa pintornan avansa cu kier sinja pinta portret miho ainda, bou di guia personal di e famoso  pintor di portet Caribeño, Gustave Nouel.

   Diamars anochi di for di 7:15 pm te cu 9:15 pm,  e principiantenan lo por cuminsa un curso intensivo di tecnica universal basico, cu ta ser usa rond mundo, pa artistanan di caya te na pintornan di portret profesional.

   Diarazon anochi pintirnan mas avansa por trece nan mes material (pintura di oleo, pintura acrilico o aquarel) pa profundisa nan conocimiento di e tecnicana pa pintura di portret (post-academicamente). E tecnicanan basico universal y e “secretonan” cu lo ser ofreci na Kunstcircuit lo haci cu e arte di portret lo bira hopi mas facil pa casi tur participante.  Por haya informacion na [email protected]

   Gustave Nouel, di Aruba, a realisa un educacion academico y cursonan posacademico cu specialidad: ‘Potretnan den tur tempo y tur cultura’. Tambe e artista tin hopi experencia practico como pintor internacional riba casi tur nivel, riba caya, na ferianan di arte y museonan. Gustave ta ser considera un retratista riba e maximo nivel profesional. Gustave a ser invita hopi biaha pa duna workshop di portret internacionalmente, riba tur nivel.

 

- Advertisement -

DUNA COMENTARIO

Please enter your comment!
Please enter your name here