Home General Companianan di Tour ta desea pa yega na acuerdo mutuo cu Parke...

Companianan di Tour ta desea pa yega na acuerdo mutuo cu Parke Nacional Arikok

248
0
SHARE
- Advertisement -

ORANJESTAD (AAN): Den e oficina di Arubiana ATV/UTV na Paseo Herencia, e organizacion di Aruba Offroad Foundation a trece nan preocupacion dilanti, relaciona cu maneho nobo cu Gobierno ta implementando pa prohibi acceso di e vehiculonan tipo ATV (Quadracer) y tambe UTV (Quadracers cu dak) di core den e.o. Parke Nacional Arikok.

   Ta hopi hende por a sigui e reaccion desde aña pasa caba riba Social Media, ora publico ta reacciona masha furioso mes ora cu e Tournan aki ta pasa den barionan unda no tin caminda di asfalt, ta lanta hopi stof cu ta drenta den cas di hende, y stof cu ta finaliza riba blachinan di mata y cadushi.

   Tambe por a mira hopi reaccion di hendenan furioso, ora cu potretnan a wordo saca di e vehiculonan aki coriendo riba santo blanco, riba duinen panort di costa, y tambe tin potretnan documenta di varios neishi di Shoco cu a wordo destrui door di nan.

   Sin lubida e molester causa pa rijnan largo di UTV coriendo riba caminda normal, cu nan sonido duro cu ta molestia nos pueblo, y pa colmo ta blokea rotondenan.

   Diripiente Gobierno a indica cu lo bay cambia e maneho pa cu esaki, y por a sinti hopi hende den pueblo a reacciona hopi contento cu porfin algo ta bay wordo haci.

   Sinembargo e cambio di maneho aki lo bay nifica cu hopi hende lo bay perde trabao tambe, specialmente Tour Guides y companianan cu ta atende e tipo di vehiculonan aki.

   Awor e Fundacion cu a tene e conferencia di prensa, ta sospecha cu e medidanan aki ta wordo introduci djis pa beneficia un of mas compania grandi.

   E Fundacion ta consisti di como 20 doño di companianan di UTV y ATV cu ta insisti cu e consecuencianan di e maneho nobo di Gobierno lo bay ta desastroso pa nan.

   E companianan aki tin como 200 persona cu ta traha cu e Tournan aki, y en total por conclui cu 600 miembro di famia ta depende di e sector aki.

   Na e conferencia tabata presente George Vieira di George Cycle Company, como tambe Jean Carlo Espinal di AGW Tours, Ruell Justina di RockaBeach Tours, Magaly di Action Tours Aruba, y Brandi di SeaBob Aruba.

   E decision nobo tuma pa Parke Arikok, a bini cu medidanan drastico pa no permiti awo ni ATV ni UTV drenta, y trece na peligro e existencia di e companianan.

   Nan ta sinti cu tin discriminacion, pasobra Parke Nacional ta prohibi e vehiculonan liviano ATV core eyden cuminzando Dialuna 1 di Juni 2020, y tambe a prohibi UTV di core eyden entrante Diahuebs 31 di October 2020, pero sorprendentemente nan lo sigui  permiti otro vehiculonan di motor mas pisa keda haya OK pa drenta e parke.

   Jean Carlo Espinal di AGW Tours a elabora riba e discusion presenta dilanti cu Parke ta tumando e decision aki pa defende naturaleza y medio ambiente.  Pero mas bien e ta sinti cu ta un campaña negativo a start djis pa destrui e empresanan local aki.

   Espinal ta insisti cu e mihor forma pa soluciona esaki, ta pa bin cu un  miho momento pa dialoga enbes di bataya otro na bienestar di pais Aruba.  Su deseo ta pa yega na un acuerdo mutuo, pa asina tanto Parke Nacional Arikok y e companianan di Tour por traha hunto, ban salba e famianan local di cual nan pan di cada dia awor ta na peligro.

  Diferente hoben empresario a cuminsa den e mundo di Tour aki y cu e prohibicion aki, practicamente nan lo perde tur nan inversion.  Esaki ta un forma mahos di kibra un entrepreneur.

   No lubida cu Aruba ta depende di turista y hopi biaha e reservacionnan ta worde haci adelanta. Tin algun di e companianan miembro di e fundacion ta huur ATV of UTV, pues nan no tin otro entrada.  Pesey lo desea pa yega na un acuerdo mutuo.

- Advertisement -

DUNA COMENTARIO

Please enter your comment!
Please enter your name here