Home Religion y Espiritualidad Comision Vaticano a aproba milagro di Dr. Jose Gregorio Hernandez

Comision Vaticano a aproba milagro di Dr. Jose Gregorio Hernandez

212
0
SHARE
- Advertisement -

ORANJESTAD (AAN):  Santa Sede finalmente a reconoce e milagro concede pa intercession di venerable Dr. Jose Gregorio Hernandez, un di docter mas stima pa Venezolanonan, y hopi hende tambe aki na Aruba, cientifico di profundo vocacion religioso, reconoci pa su solidaridad cu esnan cu di mas necesidad y na servicio di pobernan.

     Den un video filma na e graf di e future beato, e arzobispo di Merida y Administrador Apostolico di e Arquidiocesis di Caracas, cardinal Baltazar Porras a anuncia cu e Congregacion pa causa di Santonan di Vaticano a informa cu e comision teologico, consisti di siete experto, a samina e presunto milagro di Dr. Jose Gregorio Hernandez, den e curacion di e mucha Yaxury Solorzano y aproba por unanimidad e studio haci.

   “Nos a ricibi e bon noticia aki como un gracia di altismo cu ta anima nos pa sigui den oracion pa implora cu nos venerable docter wordo eleva den altarnan, y pa continua pidiendo pa su intercession e superacion di situacionnan adverso y den e salud fisica y spiritual como tambe e peticion pa pronto e pandemia aki caba cu ta azota henter mundo”, Cardenal Porras a bisa.

    Dr. Jose Gregorio mas di 102 aña masa den compania di otro docternan prominente venezolano a duna lo mihor din an mes den e atencion di enfermonan causa pa e epidemia di e grip Spaño cu a causa hopi tragedian a mundo.

    E caminda pa e beatificacion ainda falta e Plenaria di Cardenalnan y Obisponan y e aprobacion di Papa Francisco.  Sigur e fiel siguidornan den henter mundo ta sigui den oracion como tambe esnan aki na Aruba caminda tin masha hopi fiel devoto di Dr. Jose Gregorio Hernandez pa pronto e wordo declara santo.

 

- Advertisement -

DUNA COMENTARIO

Please enter your comment!
Please enter your name here