Home Comercio Comerciantenan chikito y mediano cu apelacion na doñonan di edificio pa baha...

Comerciantenan chikito y mediano cu apelacion na doñonan di edificio pa baha prijs di huur y yuda comercio local sobrebibi

2689
0
SHARE
- Advertisement -

ORANJESTAD (AAN):   Comunidad pa pasando momentonan di crisis basta pisa. Ciudadanonan como tambe comercio.

Pero algo cu sigur mester tene na consideracion pa e economia di Aruba por sigui draai mañan ta e echo cu pa comercio tambe logra sobrebibi nan mester pa e doñonan di propiedadnan cu ta na huur na comercio pa baha nan prijs un tiki y duna un aporte di solidaridad na esnan cu ta sin un entrada den e dianan aki door cu nan negoshi mester a cera nan porta.

Ta conoci, cu ora cu e crisis di Coronavirus a dal pisa den e economia di Aruba, hopi negoshi mester a cera nan portanan pa atende cu e reglanan cu a drenta na vigor. Esaki a nifica cero entrada.

Hopi comerciante, principalmente e negoshinan mediano y chikito, mester a cera nan porta temporalmente, sin por a haya cliente, sin por a haya entrada pa por sigui draai. Pero hopi di e comerciantenan aki, si mester a sigui paga huur, pa no dal cera e negoshi den un forma definitivo.

Den e grupo aki di comerciantenan tin negoshinan di paña, muebel, comestico, salon di beyesa, restaurant, etc, pa djis menciona algun.

Manera ta conoci, no tur comerciante ta doño di nan lokaal. Mayoria ta paga huur, pero e suma di huur si a keda mescos.

Den e pio di e casonan, hopi negoshi mester a cera nan porta. Otronan a keda lucha pa por keda habri. Otronan no por a sobrebibi y mañan ora cu Gobierno bisa, cu nan por habri bek, nan no lo tey mas.

Pesey, tin comerciantenan cu pa medio di DIARIO ta haci un apelacion na e doñonan di propiedadnan pa purba di yuda esnan cu tin cu sigui paga huur tur luna. Baha e prijs di huur un tiki pa un tempo te ora cu e economia logra recupera.

Duna un chens pa e comerciante chikito y mediano recupera tambe. Asina cu economia di Aruba habri den casi su totalidad, hopi di e comerciantenan aki lo keda mas cu agradecido cu nan  a haya un man for di e doñonan di edificio of di lokaalnan comercial, den e temponan aki di crisis.

Asina mas y mas arubianonan lo por keda cu nan negoshi, dunando trabao na mas persona surpasando e crisis.

 

 

- Advertisement -

DUNA COMENTARIO

Please enter your comment!
Please enter your name here