Home Comercio CIBC FirstCaribbean a haci un donacion na esnan den mas necesidad

CIBC FirstCaribbean a haci un donacion na esnan den mas necesidad

23
0
SHARE
- Advertisement -

ORANJESTAD (AAN): CIBC FirstCaribbean ta haci un yamado na comunidad pa asina registra den caso cu mester ayudo y necesidad  cu cuminda of otro articulo como consecuencia di efecto nan di pandemia COVID-19.

   Boluntario di Rode Kruis señora Marla Dominquez a comparti e yamado aki durante donacion di paketenan di cuido for di personal di CIBC FirstCaribbean. Señora Dominquez ta comparti cu nan ta trahando dia y anochi pa ofrece asistencia na e famia nan cu a perde nan entrada como resultado di impacto di Covid-19.

   El a añadi cu e  fundacion a crea un database di famia nan impacta como tambe a crea un crisis team pa priorisa e ayudo pa cu e famia nan aki. Pa registra pa asistencia of pa hasi un  referencia, ta pidi pa bishita website www.redcrossaruba.com y click riba e parti di “ Help during Covid”.

Asina cu ta riba e website por scohe entre “ meals on wheels” of “ projecto asistencia social”. Famia nan den necesidad por ricibi ayudo cu cuminda nan prepara y deliver  na cas of ta ricibi supermarket vouchers.

   “Covid-19 a trece diferente obstaculo pa mayoria famia y dunando un man como tambe compartiendo ta e mihor manera pa mustra nos solidaridad como CIBC FirstCaribbean y ciudadano”, segun señor Giovanni Atencio di CIBC FirstCaribbean Country pa Aruba.

    Adicionalmente di Rode Kruis, personal di CIBC FirstCaribbean tambe a traha hunto cu fundacion Oasis of Love, cu entrega di pakete di comestible pa diferente famia na Aruba.

 

- Advertisement -

DUNA COMENTARIO

Please enter your comment!
Please enter your name here