Home Economia Banco Central Aruba bolbe baha exigencia reserva

Banco Central Aruba bolbe baha exigencia reserva

385
0
SHARE
- Advertisement -

Despues di prome medidanan pa confronta Covid-19

Banconan comercial cu mas espacio pa yuda clientenan

ORANJESTAD(AAN)–Den un comunicado ricibi di Banco Central di Aruba, otro medida pa confronta e situacion cu Covid-19 a provoca, a wordo presenta na publico ayera.

 E asina yama “Reserve Requirement” ta un di e instrumentonan mas importante di Banco Central di Aruba (BCA) den implementacion di su maneho monetario. Ta uza e “Reserve Requirement”, cual ta obliga pa e banconan comercial tene cierto porcentahe di nan depositonan na BCA sin interes, pa reduci of  duna empuhe na likides den e sector bancario.

Despues di a tuma varios medida caba den cuadro di e desaroyonan economico y financiero negativo cu lo resulta di e COVID-19 pandemia, BCA recientemente a dicidi pa bolbe baha e “Reserve Requirement” cual ta aplicabel pa e banconan comercial, esta cu 4,0 punto di porcentahe te na 7,0 porciento, asina expandiendo e likides den e sector bancario cu Afl. 160 miyon adicional.

Cu e accion aki e cantidad di likides cu cual a duna empuhe den e sector bancario desde maart 2020 a alcansa Afl. 200 miyon.

Consecuentemente, BCA a expande na forma significante, e likides liber na e banconan comercial, cu por uza pa otorga prestamo y cumpli cu demanda adicional di likides di nan clientenan.

E medida di maneho monetario aki a drenta na vigor entrante 3 di April 2020.

- Advertisement -

DUNA COMENTARIO

Please enter your comment!
Please enter your name here