Home Gobierno “Aworaki cu e toque de queda no tey mas, e responsabilidad ta...

“Aworaki cu e toque de queda no tey mas, e responsabilidad ta bek den bo man”

412
0
SHARE
- Advertisement -

Prome Minister Wever-Croes:

ORANJESTAD (AAN):  Prome Minister Evelyn Wever-Croes a expresa diaranson anochi den conferencia di prensa su satisfaccion di haya sa cu tin un caso so di Covid-19 na Aruba. E caso aki ta trata di un persona cu ta den hospital den Cuido Intensivo.

Di 101 persona a detecta positivo, 97 a recupera. El a gradici comunidad pa exito aki. Ta lamenta cu 3 persona a fayece, pero mirando en general e situacion desde 13 di Maart, e ta hopi satisfecho con Aruba a atende cu e crisis aki, mustrando disciplina, compromiso pa saca e pais pa dilanti, a agrega.

E mandatario a sigui bisa cu tabata tin algun hende cu talvez no a compronde e embergadura di cada accion, pero mayoria di hende den comunidad si.

Desde 13 di Maart a tuma algun medida cu a bay hopi leu manera cera e fronteranan di Aruba. Esey tabata e ‘lockdown’. A cera scolnan, a prohibi bishita na e casnan di cuido di hende grandi, hospital.

Tambe a bin cu shelter-in-place, samenscholingsverbod, toque de queda. Esaki ta decisionnan cu a tuma hopi tempran y cu a yuda domina e plamamento di e virus aki.

Poco poco mirando e resultadonan cu e strategia aki a duna a bin ta hala a atras e medidanan un pa un, Minister Presidente a indica.

El a agrega cu aworaki toque de queda a yega su final, pero ta importante pa bisa cu mirando e trayectoria di e cantidad di casonan cu tin, huridicamente no por hustifica mas pa prolonga e toque de queda.

Pero mirando e discusion cu tabata tin den comunidad riba e tema aki, no ta por nada a bin cu ne. Tabata un decision hopi grandi cu a tuma despues di hopi evaluacion pa asina scapa bida di hende.

Otro paisnan cu no a tuma e decisionnan aki mesora por mira cuanto mira a bay perdi y esey ta locual Aruba kier a evita, e mandatario a subraya.

Aworaki cu e toque de queda ta wordo kita ta e momento cu gobierno ta tumando e decision di traspasa e responsabilidad bek den man di comunidad. Gobierno den e ultimo simannan a tuma e responsabilidad over y a limita e movecion di e ciudadanonan pa proteha y scapa bida, a bisa.

“Aworaki cu e toque de queda no tey mas, e responsabilidad ta bek den bo man  y nos ta pidi bo por fabor pa trata esaki hopi bon, cuida bo mes y cuida bo famia”, Wever-Croes a expresa.

- Advertisement -

DUNA COMENTARIO

Please enter your comment!
Please enter your name here