Home Hudicial Awe sentencia ta cay pa homber cu a tira otro den lomba...

Awe sentencia ta cay pa homber cu a tira otro den lomba y lag’e sin por cana

156
0
SHARE
- Advertisement -

Fiscal a exigi 10 aña di prison p’e

ORANJESTAD (AAN): E homber C.K. awe mainta tin cu presenta dilanti Hues pa scucha su sentencia. C.K. ta wordo acusa di intento di mata y posecion di arma di candela. Fiscal a exigi 10 aña di prison p’e.

   Siman pasa e homber  A.G., kende a wordo acusa di tabata hunto cu C.K. riba 29 Juli 2019 y a tira riba e hombernan W. y M., den Vilage, a wordo declara liber di intento di mata.

   Algun siman pasa tratamento di e caso aki a tuma lugar caminda Hues a mustra cu W. a sufri tiro den lomba. E bala tabata 9 mm. A haya un huls di bala 9 mm na e lugar di tiramento. For di raport medico, por a compronde cu W. a keda paralitico door di e tiramento. Segun investigacion, M. tabata hunto cu W. den un club nocturno banda di e hotelnan grandi caminda a surgi un problema cu A.G. y C.K. Segun M., C.K. a menaza di mata M. y W.

   Hues a mustra cu W.y M. tabata na e veld di basketball na San Nicolas y diripiente a scucha tiro. W. a resulta herida. M. a mira A.G. y C.K. y cu C.K. tabatin un arma. E ta kere cu A.G. tambe lo a tira pasobra el a scucha diferente tiro. Segun C.K. con M. por a mira si ta scur y e luznan di e veld di basketball tabata paga. Hues a puntr’e si e tabata eynan, y el a bisa cu no.

   Ta asina cu Fiscal a haya tanto A.G. como C.K. culpable di intento di mata y a exigi 10 aña di prison pa cada un. Siman pasa Hues a yama sentencia tempran pa A.G., caminda Hues a bisa cu e no ta haya legalmente proba cu A.G. a tira y a declar’e liber pa esey. Hues a haya A.G. culpable pa a menaza Polis y personal di Ambulance cu morto. Hues a condena A.G. na un castigo di prison igual na e tempo cu e ta sera den KIA esta 245 dia. Hues a ordena pa laga A.G. den libertad.

  Awe mainta lo haya sa kico Hues ta dicidi den e caso penal contra C.K. DIARIO lo informa lectornan tur loke a sosode den sala di Corte di Husticia di Aruba.

 

- Advertisement -

DUNA COMENTARIO

Please enter your comment!
Please enter your name here