Home General Avion di AeroMéxico a baha na Aruba pa trece crew pa Boortoren

Avion di AeroMéxico a baha na Aruba pa trece crew pa Boortoren

458
0
SHARE
- Advertisement -

ORANJESTAD (AAN); Manera ta conoci, net zuidwest di Aruba tin e momento aki 2 Boortoren ancra, den un di e pidanan mas safe den Caribe.

   Ta trata aki di Maersk Developer cu ta situa na Zuid-West di Oranjestad.  E otro Boortoren ta Sevan Brasil cu ta ancra na Zuid-West di Barcadera.

   Riba Diahuebs 21 di Mei, un Boeing 737-700 di AeroMéxico a ateriza pa 11:25 am.

   E vuelo charter aki a bin for di Mexico City, y a trece personal nobo cu a bin traha riba un di e Boortoren aki.  E avion a keda un poco mas di 4 ora aki pa asina yena jetfuel bek, y tuma demas personal pa regresa Mexico.

   Despues pa 4:08 pm e avion a lanta vuelo bek for di Aruba, y casi 5 ora despues a ateriza na Lic. Benito Juarez International na Ciudad di Mexico. 

   Manera ta conoci, regularmente tin avion ta ateriza na Aeropuerto di Aruba.  Mayoria biaha ta trata aki di avionnan di Carga, avionnan di companianan di Courier, y tambe Air Ambulance, y tambe avionnan cu ta trece hendenan cu ta repatria, of cu ta yuda hiba stranheronan pega na Aruba bek pa nan pais.

    Vuelonan ey ta socede solamente cu acuerdo previo di e.o. Departamento di Aviacion Civil, Gobierno, y demas instancia.

- Advertisement -

DUNA COMENTARIO

Please enter your comment!
Please enter your name here