Home General Asunto di Regreso Boluntario di personanan indocumenta ta birando un ‘Time Bomb’

Asunto di Regreso Boluntario di personanan indocumenta ta birando un ‘Time Bomb’

7655
0
SHARE
- Advertisement -

Ilegalnan cu no tin placa pa bay bek nan pais ta birando desespera

*Pago di Afl. 509 no ta na alcance di hopi persona indocumenta

ORANJESTAD   (AAN):   DIARIO a haya informacion cu tin un grupo di personanan cu ta biba na Aruba y cu actualmente nan status ta di indocumenta of ilegal.

Na inicio di e crisis di Coronavirus, Gobierno a anuncia un maneho unda e personanan aki por a meld nan mes boluntariamente pa bay bek nan pais.

Ta papiando akinan di mayoria di hende procedente di Venezuela cu tin basta tempo bibando na Aruba of recien pero cu e crisis a afecta mas di loke nan a spera.

E crisis a trece cune cu e personanan aki awor ademas di ta ilegal, ta sin trabao y te hasta sin caminda pa biba ni cuminda pa come. Tin cu a wordo pidi pa desocupa e lugar unda nan tabata bibando pasobra nan no tin manera pa paga huur mas.

E problema awor a bira mas grandi pasobra e personanan aki a bira desespera. Nan a ta sinti cu nan a wordo gaña ora cu a priminti nan bay bek nan pais.

Nan a compronde cu Gobierno su intencion tabata pa e personanan aki bay bek y cu Gobierno ta cubri e costonan di e pasahe. Sinembargo, e realidad ta cu nan tin cu paga Afl. 509. ademas di e impuesto di salida di Afl. 85

DIARIO a haya informacion cu den e grupo cu no tin medionan economico pa cubri e gastonan, tin hopi descontento ya cu nan a kere cu nan no lo mester a paga nan pasashi.

 

- Advertisement -

DUNA COMENTARIO

Please enter your comment!
Please enter your name here