Aruba y destino barco Aldan topico diplomatico

    3587
    0
    SHARE
    - Advertisement -

    Mientras barconan di Iran tabata yega costa di Venezuela

    *Situacion peligroso actual ta uni na misterio di barco perdi

    *Suspenso y vigilancia den region di Caribe ta sigui aumenta 

    ORANJESTAD(AAN)–“E desaroyonan di Covid-19 a haci cu Aruba por conta cu mas defensa cu normal. Por bisa cu e siguridad nacional di Aruba asina ta mas sigura. E tension ta keda grandi debi na e desaroyonan mundial cu ainda por surgi cualkier momento a base di e forma cu regimen Maduro ta trata na soluciona su problemanan y awor ta uza Iran.”

    Durante fin di siman, DIARIO tabata continuamente pendiente di casonan importante cu tabata desaroya atrobe a base di e situacion na Venezuela, cu atrobe ni den seno di Nacionnan Uni por a haya un conclusion.

    DIARIO a sigui di acerca e entrada di barconan di azeta di Iran, cu a uni na forma total cu Venezuela den e buskeda di Nicolas Maduro pa Venezuela tin suficiente gasolin.

    E barconan Irani tabata drenta awanan teritorial di Venezuela ayera y asina tambe tabata acerca Aruba.  Forsa Arma cu ta sostene Nicolas Maduro tabata proteha e barconan Irani cu tabata hiba e gasolin Venezuela cu a paga cu baranan di oro pa e combustibel.

    DIARIO tabata continuamente den contacto tambe cu fuentenan cu por a papia di e situacion di siguridad pa Aruba. Nan a mustra cu pa motibo di e coronavirus nobo, defensa di Aruba ta amplia.

    E tabata un nota importante, sigur den e situacion cu atrobe e misterio di e tanker Aldan, a bolbe den noticia.

    E tanker Aldan dia 23 di april a bandona Trinidad pa bini Aruba. E tabata tin cargamento di combustibel pa Venezuela.

    Ta trata di 150 bari di gasolin cu ES Euro Shipping a cumpra cerca e compania di estado di Trinidad, Parria.

    E cargamento mester a bini Aruba den tension mundial a base di e medidanan Mericano pa stroba gasolin y otro productonan petrolero yega Venezuela. Esaki tabata e forma cu mester a kibra e forsa di Maduro.

    Kico a pasa cu e cargamento y e barco, cu mester a bay St. Eustatius, ta desconoci. Den fin di siman informacionnan a drenta cu Embahada Hulandes na Trinidad y Tobago a informa Trinidad y Tobago cu ningun momento e barco a yega Aruba y cu ningun momento e pasonan oficial pa e cargamento por a drenta haf a wordo tuma.

    E barco a sali di Venezuela pa el a bay tuma e cargamento cu pues mester a bay St. Eustatius, pero despues a localisa e barco cerca di e awanan teritorial di Aruba, cu oficialmente a mustra cu ningun momento e barco por a drenta debi na e forma cu ta atende cu trafico maritimo.

    Tin version cu piratanan por a captura e barco cu a keda den noticia pero tambe ta percura pa suspenso grandi den e region, cu pa motibo di Venezuela atrobe ta den tension.

    Na nivel diplomatico pa medio di Reino awor Trinidad y Tobago ta informa cu e barco no ta na Aruba.

    Den e siman venidero por spera mas informacion riba e situacion di e barco pero tambe tensionnan nobo den region di Caribe cu no ta conoce trankilidad mientras e problemanan serio na Venezuela ta continua.

     

     

     

     

     

     

     

     

     

     

     

    - Advertisement -

    DUNA COMENTARIO

    Please enter your comment!
    Please enter your name here