Home Coronavirus Aruba ta oficialmente liber di COVID-19!

Aruba ta oficialmente liber di COVID-19!

4770
0
SHARE
- Advertisement -

Pashent den ICU a test negativo y ta recuperando

ORANJESTAD (AAN):  Den e ultimo actualisacion cu Departamento di Salud (DVG) a haci diahuebs prome cu merdia, por a constata cu e cifranan a cambia solamente pa loke ta e casonan di personanan getest y e casonan negativo.

2105 persona na total a wordo getest. Entre diaranson y diahuebs 14 persona a haci test y 14 a sali negativo pa un total di personanan negativo di 2004.

Den cuarentena obligatorio tin 158 persona, 97 recupera y un caso activo.

Den oranan di atardi, Minister di Salud Dangui Oduber a informa riba su Facebook Page cu e pashent cu tabata den Cuido Intensivo na Hospital, y cu tabata e unico caso positivo, a test negativo. E persona ta den recuperacion y su condicion ta stabiel. DIARIO ta desee un pronto recuperacion. 

Cu esaki, e cifranan positivo di Covid-19 na Aruba a wordo reduci na cero caso despues di un total di 101 caso registra. Aruba a logra oficialmente ‘Crush The Curve’, pero e reto ta keda awor pa mantene e cifra aki na cero, sin contagionan local.

Ainda tin un risico cu ta esun di e personanan cu a yega for di Colombia y cu ta den cuarentena. Ta papiando akinan di un grupo di 158 persona cu mester atene nan mes na e cuarentena obligatorio ya cu den caso cu nan por a trece cu nan un caso importa, evita pa esaki plama atrobe den comunidad.

Mesun situacion ta conta pa ora frontera habri ya cu a pesar cu ta bay tin control na frontera, airport y na waf, e posibilidad tey cu lo por atende cu caso extra.

E vigilancia lo keda y den esaki e comportacion di comunidad relaciona cu e protocolnan di higiena y distancia fisico ta keda vigente den e asina yama normal nobo.

- Advertisement -

DUNA COMENTARIO

Please enter your comment!
Please enter your name here