Home General Aruba ta bay haya su Drive-In Theater bek

Aruba ta bay haya su Drive-In Theater bek

2053
0
SHARE
— CEO di MetaCorp, Eddie de Veer a confirma cu Drive-In Theater ta bin bek.
- Advertisement -

ORANJESTAD (AAN): E dushi recuerdo di famianan pa hopi tempo, esta di bay sinta hunto den auto, comiendo popcorn y mira pelicula na Drive-In Theater, lo bay bira pronto realidad atrobe.

   Antes bo tabata colga un speaker na bo bentana di auto, cu su boton di volumen, pa asina bo scucha e sonido di pelicula.  Pero na final, bo tin di laga bo Car-Stereo cendi y scucha e sonido via un frequencia di FM.

   Pero na aña 2013, tur studio di pelicula na Hollywood a dicidi stop di distribui nan pelicula riba film di 35 mm.  Esey tabata un decision desastroso pa centenares di Drive-In Theater rond mundo.

   Hollywood a cuminza distribui tur nan peliculanan digitalmente, unda full e pelicula ta ser manda via Internet y e ta download riba henter un Hard Disk Drive.  Esaki tin di wordo poni na un Proyector cu ta wordo controla door di e Hollywood Studios precisamente ta cuanto biaha e ta wordo pasa riba pantaya.  Un proyector asina den cinema ta costa minimo $70.000.

   Pero un proyector pa Drive-In Theater ta mas costoso!  Na aña 2014, uno tabata minimo $140.000 y esey ta debi cu e mester ta mas poderoso pa proyecta e pelicula riba un pantaya mas grandi, y ubica mas leu.

   E crisis di Coronavirus a pone cu ademas di scol y malls, un sector cu a wordo cera inmediatamente ta Salanan di Cine.  Esaki ta debi cu e riesgo pa contagia y plama e virus ta hopi grandi ora hende sinta hopi cerca di otro.

   Como cu na varios pais por a mira cu a cuminza habri bek algun Drive-In Theater, a pone cu na Aruba tambe e idea a nace bek pa habri esun di Balashi.

   Segun Eddie de Veer, kende ta CEO di MetaCorp, nan ta haciendo limpieza di e tereno pa asina cuminza prepara cu trabao pa reinaugura Drive-In Theater.

   Contento cu movimento a cuminza bek, y a haci uso di personal di MetaCorp mes cu ta ‘idle’ na cas tur e dianan aki.  Pero e trabao di reconstruccion y pone dak, lo tin di bay den man di contratista.

   Pero e personal di MetaCorp mes na forma rapido a sa di yuda haci e tereno limpi pa asina facilita e trabao cu Contratista lo bay haci despues.

   De Veer a mustra cu e trahadornan a bin labora cu hopi animo pa haci e lugar limpi, pa asina e Contratista por caba di duna e quote necesario pa haci e trabao di drecha e edificio.

   Gobierno a duna e proyecto aki luz berde tambe pa e bay funciona bao di e proceso di ‘fast track’, pa e keda cla aun mas rapido.

   Drive-In Theater semper ta uno favorito pa famianan hiba nan yiunan.  Pasobra na un Drive-In Theater, no ta importante si bo yiu ta papia hopi of hasta grita di harimento ora di e cine.  Pasobra no tin ningun hende pa bin bisabo keda keto, compara cu ora bo ta den un sala di cinema.

   E proyecto na Balashi tin di haya dak full nobo, drecha muraya, instala cushina, e counter pa hendenan bay cumpra snacks, tambe e ticket-booth na entrada, e bañonan, y e proyector tower cu mas medida di seguridad.  Tambe tin di traha un screen di nobo segun e formato moderno di pelicula, y tambe pone asfalt nobo riba e tereno.

 

- Advertisement -

DUNA COMENTARIO

Please enter your comment!
Please enter your name here