Home Suceso Alarma di candela na cas di Ex Minister Otmar Oduber

Alarma di candela na cas di Ex Minister Otmar Oduber

577
0
SHARE
- Advertisement -

ORANJESTAD (AAN): Diaranson atardi tabata tin un alarma di cancela na cas di ex Minister Otmar Oduber ubica na Pavia Country Club. Mesora dos unidad di Bombero como comandante a yega na e residencia unda tabata tin huma saliendo for di e cushina. Segun informacion, parce tur cos tin di haber cu un corto circuito. Bomberonan a traha pa domina e candela.

Pero e incidente a bira mas serio ora cu pafo di e cas a inicia un discusion entre ex minister Oduber y e reportero di 24ora.com, Speed Andrade, kende publicamente tin un guera formal contra Otmar Oduber y tur ora cu por e ta lastra Otmar nomber na radio of pa medio di social media.

E reportero a durf di bay Pavia Country Club pa duna cobertura na e incidente.  Ora cu Oduber tabata saliendo for di su cas y el a nota presencia di Andrade mas cu claro a pidi’e pa stop di filma y pa respeta su cas.

Un discusion a surgi unda mas persona a acerca pa duna Oduber un man y atende cu e asunto aki ya cu e provocacion tabata evidente, pero esey si no ta wordo mira riba e videonan cu ta circula online.

Polis a interveni y a detene e conocido Ralph Maduro, cu a sali na defensa di Oduber.

Otmar Oduber mester a wordo hiba Hospital., afecta door di e huma. Tur e otro miembronan di e famia tabata den condicion, segun informacion cu DIARIO a ricibi.

 

 

- Advertisement -

DUNA COMENTARIO

Please enter your comment!
Please enter your name here