Home Suceso Air Ambulance a trece pa Aruba e conocido hotelero herida na Bonaire

Air Ambulance a trece pa Aruba e conocido hotelero herida na Bonaire

7257
0
SHARE
- Advertisement -

ORANJESTAD (AAN): Riba Diamars, un Air Ambulance a ateriza na Aeropuerto Internacional Prinses Beatrix di Aruba, treciendo un persona herida for di Bonaire. 

   Manera ta conoci, ora cu tin caso serio na Bonaire y cu ta rekeri tratamento avanza, ta costumber di transporta nan pa sea Hospital di Curacao of e Hospital di Aruba.

   Diamars un situacion a presenta cu e propietario di Hotel Carib Inn na Bonaire.  Debi na e crisis di Coronavirus, e Hotel ta cera, y ningun hende ta trahando.  Sinembargo e propietario cu ta un persona cu yen energia, e mes a subi dak pa asina haci trabao di mantencion y reparacion.

   Algo a bay malo, y diripiente el a slip y cay for di dak, y a keda malamente herida.  Polis den oranan di atardi a haya informacion cu nu hende a cay for di e Hotel den Bulevar J.A. Abraham.  Ora cu autoridad a yega, a bin haya e hotelero conoci como Bruce Bowker abao for di tino, cu herida parti patras di cabez, y posible fractura na su braza.

   Cu urgencia el a wordo hiba cu Ambulance pa Hospital San Francisco di Kralendijk.  Aki Docternan a dune prome auxilio, pero como cu su condicion ta grave, a dicidi pa hibe pa Dr. Horacio Oduber Hospital na Aruba pa tratamento avanza.

   Asina cu Air Ambulance el a ser treci, y cu Ambulans a ser hiba pa Dr. Horacio Oduber Hospital unda ta haci MRI Scan y demas tratamento specializa.

   Bruce Bowker ta un hotelero hopi conoci na Bonaire, y semper a wordo mira como un persona hopi dinamico y multifacetico.  Prensa di Bonaire a relata cu e empleadonan di Hotel Carib Inn ta preocupa pa cu e salud di e doño.  Pero tin speranza cu e lo haya bon yudanza door di Specialistanan na Hospital di Aruba.

 

- Advertisement -

DUNA COMENTARIO

Please enter your comment!
Please enter your name here