Home General Aerolineanan ta tratando di kita tur miedo cu pasaheronan por tin pa...

Aerolineanan ta tratando di kita tur miedo cu pasaheronan por tin pa bula den avion

332
0
SHARE
- Advertisement -

ORANJESTAD (AAN): E momento aki, fabricanan di avion como tambe aerolineanan a caba di lanza un iniciativa urgente pa convence pasaheronan nervioso cu e aire cu nan ta respira abordo di avionnan ta safe, y nan ta haya cu esaki ta critico pa reconstrui e industria di viahe cu a wordo tumba duro pa e crisis di Coronavirus.

   Boeing a apunta ex-hefe di Engineering y Desaroyo, Mike Delaney pa guia esfuerzonan pa crea confianza bek.  Lidernan di Airbus a bisa cu nan ta moviendo for di un fase inicial di crisis, pa uno awor di sigura confianza cerca pasaheronan.  Esaki a pone nan cuminza haci mas esfuerzo pa splica con e sistema di filtra aire den cabina di avion ta funciona, pa asina elimina e mito cu e aire den avion ta contene mesun aire recicla.

   Desde cu a haya sa cu e virus ta plama via di droplets ora cu un pasahero tosa of niester, como tambe mishi cu superficienan infecta, awor e industria tin di splica con e calidad di aire abordo di avion ta funciona.

   Den un edificio di oficina, aire ta wordo ‘cambia’ como 4 biaha cada ora.  Riba un avion moderno, e aire ey ta wordo ‘cambia’ 20 te 30 biaha cada ora.

   Circulacion di aire ta un di diferente tecnicanan cu tin pa reduci e potencial cu virus por plama abordo, y esey ta inclui limpieza rigoroso di e avion, y tambe screen pasaheronan pa cualkier señal di malesa.

   Den mayoria avion, aire comprimi ta wordo manda for di e parti limpi di un avion (sin wordo contamina door di jetfuel) rumbo pa unidadnan di airconditioning y for di eynan pa fannan den plafond di e avion.  Tanto Boeing y Airbus ta bisa cu aire den cabina ta pusha bay abao, y no ta pusha bay di dilanti pa patras den e cabina.  Pues esey so ta reduci e riesgo di infeccion.

   Mitar di e aire ey despues ta wordo recicla door di HEPA-Filters di calidad di Hospital, cu ta diseña pa elimina 99.97% di contaminante incluyendo virus.  E otro mitar di aire ta wordo saca bek pafo via algun valve.

   AIRE NOBO CADA 3 MINUUT:

   Tanto Boeing y Airbus a indica cu aire den cabina di avion ta wordo ‘renoba’ cada 2 pa 3 minuut, aunke cientificonan ta bisa cu den realidad, aire semper ta un mezcla.  Pero mas rapido e cambio, mas rapido aire bieu ta wordo verdund.

   E aire ta cambia, hopi rapido mes den e avion den termino di e velocidad di intercambio di aire.  For di e punto di bista ey, e sistemanan di avion ta hopi bon.  Esey ta loke Professor Byron Jones di Kansas State University a bisa.  E ta un experto cu a yuda recomenda standardnan di aire.

   Toch e reto di mas grandi riba un avion ta e cantidad di pasahero sinta den dje.  Bo tin hopi hende sinta den espacio chikito, y bo tin di manda hopi aire eyden pa ventila e espacio ey pa mantene e calidad di aire.

   Centers for Disease Control di Merca (CDC) a bisa cu e virus aki ta plama entre hendenan di cual nan tin contacto hopi cerca cu otro, of menos di 2 meter leu (como mitar di e hanchura di hopi interior di avion).  Fluho di aire riba distancianan cortico asina ta mas dificil pa pronostica.  Toch pasaheronan tin un poco control door di habri e outletnan chikito den plafond pa laga aire pasa mas.  E outletnan aki yama oficialmente “gaspers”.  Si bo habri nan un  tiki, lo bo haya mihor circulacion di aire.

   Aunke e aire cu ta saliendo eynan ta filtra, e ‘fluho’ di aire ey por tin e efecto positivo di limita movimento ‘di banda’ di e aire.

   Mientras tanto, tanto Boeing y Airbus tin ingenieronan ta examina e fluho di aire di asiento pa asiento.  Nan ta haciendo varios simulacro pa mira si nan por recomenda algo pa e aire cu ta sali riba cada pasahero.

 

  

- Advertisement -

DUNA COMENTARIO

Please enter your comment!
Please enter your name here