Home General Tension internacional ta culmina dilanti costa di Aruba

Tension internacional ta culmina dilanti costa di Aruba

2401
0
SHARE
- Advertisement -

Nicolas Maduro lomba contra muraya pa falta di gasolin

*Intento pa deshaci di medidanan Mericano ta crea crisis

*Temor di Maduro pa Aruba central den estado di alerta 

ORANJESTAD(AAN)–Si e siman tras di lomba no tabata suficiente pisa y e siman nobo ta priminti di trece escalacion di problemanan politico local, Aruba ta confronta otro crisis. Dilanti costa di Aruba tension internacional ta culmina, mientras barconan carga cu gasolin di Iran, ta nabega pa Venezuela pa scapa e regimen Nicolas Maduro.

Informantenan clave den DIARIO riba tereno di siguridad nacional, ayera a mustra riba e peliger mundial cu tabata crece pa motibo di e hecho cu Iran a dicidi di bay contra e medidanan di Merca pa evita cu regimen Nicolas Maduro ta haya combustibel y asina por extende su mando na e pais.

Alarma grandi a wordo bati den region di Caribe y na paisnan Latino Americano, cu na e momentonan aki ta e regionnan sumamente afecta pa e coronavirus nobo.

Regimen Nicolas Maduro a alcansa e punto riba cual e medidanan Mericano tabata dirigi. Si e problemanan cu a destrui derechonan humano na e pais y a crea hamber y desastre social ya tabata menasa e regimen, e hecho cu e tabata tin control riba militarnan, a haci cu Maduro a keda na poder.

Sinembargo, na e momentonan aki Venezuela no solamente ta wordo paralisa pa e coronavirus nobo pero tambe pa e hecho cu su refinerianan no por produci entre otro gasolin pa asina e pais por funciona.

Na e pais, cu tabata un fundado di e Organisacion Mundial di Petroleo OPEC, gasolin entre otro a caba y parti grandi di e pais ta paralisa.

Iran ta aliado di regimen Nicolas Maduro pero tambe bou medida di Merca. Ya na final di 2019, tabata tin problema serio cu e forma cu Iran ta pone medidanan di Union Europeo tambe un banda y tabata teme pa un confrontacion mundial ora Iran a manda 21 Miyon tonelada di producto petrolero pa Siria.

Na e momentonan aki mundo ta vigila e situacion cu por causa problemanan sumamente serio pa region di Caribe.

Barconan di guera di Venezuela ta compaña e barconan cu producto petrolero pa regimen Nicolas Maduro. Informacion ta mustra cu regimen Maduro a cumpra e productonan cu baranan di oro for di Iran.

Den region di Caribe Merca ta realisa operacion contra droga. E vigilancia di Merca pa Maduro no haya asistencia di otro pais, a wordo aumenta despues cu Merca oficialmente a acusa Nicolas Maduro di traficacion den droga y a pidi publico yuda pa captura Maduro contra recompensa enorme.

Merca y region di Caribe ta den estado di alerta. Informantenan di DIARIO ta indica, cu gobierno di Aruba y di Reino tin tur atencion y a tuma medidanan pa Aruba ta den estado maximo di alerta.

Pa Aruba y Curaçao sigur estado di alarma hasta mester a wordo decreta pasobra ta conoci cu e islanan ta wordo considera dor di Nicolas Maduro como un peliger grandi pa su regimen, debi na e presencia di avionnan Mericano y e cooperacion entre e paisnan y Merca den vigilancia den e region.

Na momento cu segun Nicolas Maduro tabata tin intento di un man yen di hende pa baha su regimen, atrobe el a trata di hinca Aruba den e loke segun el a bisa, lo a sosode na Venezuela.

E menasa di e coronavirus nobo ta kita atencion di publico for di e situacion na Venezuela, pero tanto autoridad local como di Reino ta den estado halto di alerta pa e situacion cu ta bira cada rato mas peligroso mientras e barconan di Iran ta acerca pa yega e refineria na Puerto Cabello, cu no ta leu for di Aruba.

 

- Advertisement -

DUNA COMENTARIO

Please enter your comment!
Please enter your name here