Trump a permiti desenlace Citgo Aruba

    1524
    0
    SHARE
    - Advertisement -

    DIARIO cu prueba awe pakico acuerdo Citgo a nace pa muri

    *Presidente Mericano a evita cu Citgo tin otro doño awe

    *Na 2016 Citgo cu debe  propio di 5 Biyon a bira borg 

    ORANJESTAD(AAN)–Na momento cu pueblo di Aruba ta den un angustia total ocasiona pa e coronavirus nobo cu ta menasa bida di ciudadanonan, e hecho cu Ministro Presidente Evelyn Wever-Croes a yega na un acuerdo cu Citgo, ta bira furia politico na Aruba.

    For di 2018, DIARIO cu prueba tras di prueba a confirma na Aruba cu mester lubida e proyecto Citgo cu manera henter mundo a adverti nunca mester a nace pa e riesgo enorme cu e tabata tin pa Aruba, cu for di 2013 tabata den un crisis financiero severo manera rapport di tur instancia ta confirma.

    E informacionnan cu como adelanto di un reunion den Parlamento a cuminsa alcansa Aruba, no semper ta papia berdad di e desaroyo di e acuerdo Citgo, cu awe DIARIO ta presenta cu fechanan cu ta mustra pakico nunca e acuerdo di Citgo mester a wordo firma.

    Ta wordo mustra claramente cu gobierno anterior a faya den su planificacion financiero di Citgo, cu a wordo presenta na Aruba como e milager pa bandona problemanan mientras e tabata un aventura manera expertonan mundial tabata trece dilanti.

    Ta increibel cu a yega na un acuerdo cu Nicolas Maduro pa Citgo, cu for di 2010 mester a wordo bendi segun Chavez pasobra e no ta produci placa.

    Chavez kier a bende Citgo pa 10 Biyon na 2010 pero no a haya ningun cumprado cu kier a hinca su cumpra den problema cu Citgo, cu tabata tin un debe propio grandi, pasobra ta for di Citgo regimennan Chavez y Maduro tabata saca placa.

    Realmente esaki tabata uno di e motibonan cu awe Merca tin casonan criminal tambe contra regimen Maduro, cu ta wordo acusa no solamente dor di Merca pero tambe dor di un ex funcionario, di labamento di placa pa medio di Citgo y hasta trafico di droga.

    Aparentemente no tabata tin un bon investigacion di e berdad di Citgo como propiedad di regimen Chavista aunke tur advertencia mundial a wordo pone un banda dor di gobierno anterior.

    Gobierno Mike Eman a firma e acuerdo cu Maduro cu tabata tin ya un acuerdo cu Rusia cu Rosneft ta haya casi mita di Citgo mientras cu a uza e resto di Citgo como propiedad Venezolano pa por a haya e prestamo cu Venezuela mester a paga prome cu 2020.

    Ningun di e pagonan a tuma luga. Tampoco a paga e compania Crystallex entre cantidad di compania cu a hiba Venezuela Hues y a gana nan caso.

    Na 2018 Crystallex tabata tin autorisacion di Hues pa bende Citgo pa haya su placa. Situacion a cambia y Guaidó a pidi Hues pa duna oportunidad pa e haya un solucion cu no a bini.

    Tabata Presidente Mericano, Donald Trump cu a interveni y a introduci un regla pa ni Crystallex ni e companianan cu na 2020 mester a haya tur nan placa, ni Rusia por a interveni y bringa cu otro pa mira con nan ta saca nan placa for di Citgo, cu na 2016 tabata tin debenan di 5 Miyon.

    Pues si pone tur e sumanan aki hunto, ta mira cu no ta resta nada pa Aruba cu for di 2016 tabata sa cu ta mal negoshi el a haci cu e proyecto Citgo.

    DIARIO lo presenta tur informacion na Aruba pa e por husga si Prome Ministro Evelyn Wever-Croes tabata tin rason pa awor actua y kita e yabi for di Citgo, mientras na Venezuela tambe negoshi petrolero a yega na un fin y cualkier momento por spera un desastre politico.

    Prueba cu proyecto cu acuerdo Citgo mester a fracasa 

    Na Augustus 2018, prueba a wordo duna cu e proyecto Citgo cu segun gobierno anterior for di 2018 mester a entrega Aruba un crecemento economico di 15 porciento, tabata un fracaso.

    A base di informacion concreto, DIARIO a duna Aruba prueba, pakico e proyecto lo no a continua y cu mas rapido posibel mester a scrap e acuerdo di Citgo, cu a nace na forma ilegal ya cu ta ora gobierno anterior a mara Aruba na e proyecto, Parlamento a ricibi informacionnan.

    Pa pueblo por ta bon informa, awe DIARIO ta resumi en corto su investigacionnan di varios luna y su publicacionnan cu a wordo confirma cu sucesonan den PDVSA, Rosneft, Citgo na Merca, Citgo na Aruba,  regimen Nicolas Maduro, Presidente Interino Juan Guaidó y e lista di casonan civil den Corte Mericano pa haya placa cu Citgo of Venezuela debe cu borg di Citgo, pa no papia mes di casonan penal contra personanan mara na Citgo den Corte Venezolano.

    1986-1990:  Gobierno Venezolano a cumpra Citgo

    2010:          Hugo Chavez kier bende Citgo como mal negoshi pa 10 Biyon

    2015:          E compania minero Canades, Crystallex, ta cuminsa move den                          Corte na Merca pa haya placa cu e mester ricibi di Venezuela.

    2015:          Maduro ta yega na acuerdo cu Rusia pa e compania Ruso Rosneft                             haya 49.9 porciento di Citgo como borg.

    2015:          Maduro ta yega na un acuerdo cu un grupo Mericano/Ingles pa un                            prestamo cu mester wordo paga prome cu 2020 cu 50.1 porciento di                           Citgo como borg.

    2015:          Prome casonan di criminalidad den seno di gerencia di Citgo ta

                       wordo trata den Corte penal na Merca y sospechosonan ta admiti.

    2015:          Gobierno di Aruba ta negocia cu Citgo pa un proyecto na Aruba.

    2016:          Cu Citgo como borg, Nicolas Maduro ta haya placa di Rosneft y e                              grupo di financiadonan 2020

    2016:          Gobierno Mike Eman ta firma acuerdo cu regimen Nicolas Maduro

                       pa habri refineria na Aruba sin autorisacion Parlamento.

    2016:          Mundo ta haci  bofon di Aruba cu mester haya 300 Miyon di                                      Nicolas Maduro pa cuminsa cu Citgo Aruba

    2016:          Negoshi di combustibel local ta wordo kita di Valero pa Citgo

    2017:          Despues cu di medidanan di Presidente Obama den pasado                               acusando Nicolas Maduro di relacionnan cu gruponan mundial                       peligroso, Presidente Trump ta pone mas medida riba Nicolas                                     Maduro.

    2018:          Gobierno nobo ta entrega acuerdo Citgo na Parlamento.

                       Proyecto Citgo ta paralisa.

                       Corte di Husticia na Merca ta autorisa Crystallex pa confisca Citgo.

                       Crystallex ta anuncia cu e ta bay bende Citgo pa haya su placa.

    2019:          Crisis ma Venezuela, cu ta bisa Aruba cu e no por cumpli.

                       Companianan cu Citgo debe den fila pa nan placa.

                       Donald Trump ta interveni pa Guaidó por keda cu Citgo 3 luna.

    2020:          Cualkier momento Crystallex, Grupo 2020 of Rusia por bende                          Citgo.         

     

     

    - Advertisement -

    DUNA COMENTARIO

    Please enter your comment!
    Please enter your name here