Home General Trahadornan di Salud na Mexico ta birando victima di hopi agresion

Trahadornan di Salud na Mexico ta birando victima di hopi agresion

28
0
SHARE
- Advertisement -

ORANJESTAD (AAN): Nan ta e prome linea di defensa contra e pandemia di Coronavirus na mundo.  Pero ta parce cu na Mexico, net lo contrario ta pasando.  Ultimo tempo, tanto docternan y nurse ta birando victima di maltrato y abuso verbal, y el a empeora asina hopi cu awor hasta Gobierno federal a pidi poblacion pa nan mustra solidaridad y stop cu e menazanan aki contra e personal di salud publico.

Den ultimo simannan, e Hospital civil di Guadalajara na parti west di Mexico, a pidi tur nurse pa nan no usa nan uniform, pasobra algun unidad di Transporte Publico a cuminza nenga di transporta nan.

Mientras cu otro trahadornan di salud publico a raporta cu nan a wordo maltrata fisicamente den e parti zuid di Mexico, y tambe na parti panort di e pais, nan a hasta tira un material na candela na e porta di un Hospital nobo.

E casonan toch ta isola, pero cada uno ta indignante y lamentable.  E ta mustra un fenomeno cu ta natural, pero di ningun manera por wordo hustifica, esta cu hende cu miedo ta reacciona asina.  Pero reaccionnan ey no tin ningun sentido y ningun fundamento.

Hecho ta cu e ta indignante, pasobra ta trata di profesionalnan di kende tur hende ta depende aworaki di dje.

Na estado di Jalisco, tabatin denuncia di agresion fisico y verbal contra trahadornan di Salud, y hasta nan a wordo basha cu awa y cloro, pasobra hende tin miedo di keda contagia.

Debi na esaki, un grupo di Taxi a ofrece pa duna transporte gratis of cobra tarifa mas abao na tur trahador di Salud Publico na Guadalajara.

Fin di luna pasa, un grupo di pueblo di Axochiapan na estado di Morelos (parti zuid di capital), a menaza di bay kima Hospital Angel Ventura Neri, si acaso nan permiti pashentnan cu Coronavirus eyden.

- Advertisement -

DUNA COMENTARIO

Please enter your comment!
Please enter your name here