Home Gobierno Tin 3 caso nobo Covid y 12 pashent extra cu a recupera

Tin 3 caso nobo Covid y 12 pashent extra cu a recupera

381
0
SHARE
- Advertisement -

ORANJESTAD  (AAN):   Minister di Salud, Dangui Oduber a referi diamars atardi na e ultimo informacion relaciona cu Coronavirus na Aruba.

El a confirma cu Aruba na e momento ey tabata tin 3 caso extra. Kiermen ta trata di 74 caso di Covid-19 for di cual 60 ta caso activo y 14 persona cu a recupera (awor ta test negativo) .

Pa loke ta e casonan negativo a bisa cu e cantidad na e momento ey tabata 878. E testnan haci tabata 954. A referi na 2 caso inconcluso.  E personanan cu ta den cuarentena ta 395, a indica.

Minister Oduber ta masha contento di por a duna e noticia cu 14 persona a recupera. Esaki ta un bon señal. Sinembargo, a otro banda a lamenta cu tin 10 persona ainda interna na Hospital. For di e 10 personanan aki tin 3 den Cuido Intensivo. Dos ta dunando señal di mehoracion mientras cu un pashent ta den estado critico, a remarca.

Edad di contagio a baha te na 6 aña: Jurette Croes, Communicatie Adviseur di Departamento di Salud a agrega cu entre dialuna y diamars 12 persona a recupera pa un total di 14 persona.  Esaki kiermen cu tin 60 persona cu ta aworaki den isolacion. A laga sa cu e edad di esnan contagia awor a cambia y e rango di edad ta entre 6 y 79 aña. E dato aki ta nifica cu e edad di contagio a baha for di 11 pa 6 aña.

Criteria nobo pa haci test:  Jurette Croes a reitera cu nan strategia ta pa sigui haci test pa wak ken tur por ta positivo na Coronavirus. Banda di esaki Croes a splica cu for di dialuna a bin cu un criteria nobo pa haci test. El a splica cu personanan cu tin un di e siguiente sintomanan ta bin na remarca pa haci test di Covid-19: Tos seco, dolor di garganta, perdida di smaak/olfato, rosea cortico. Si bo tin un di e sintomanan aki bo ta bin na remarca pa haci un test.

Pa esaki por yama doctor di cas of na e number 280-0101.  Ampliando e strategia pa test, DVG ta sigui cu nan teoria pa sigui test mas cu por, pasobra mas test wordo haci mas lihe por haya e personanan den un estado hopi tempran di e virus y evitando asina un complicacion, Croes a remarca.

- Advertisement -

DUNA COMENTARIO

Please enter your comment!
Please enter your name here