Home Cultura Tienda di Educacion cu informacion valioso pa mayornan den e dianan aki

Tienda di Educacion cu informacion valioso pa mayornan den e dianan aki

89
0
SHARE
- Advertisement -

ORANJESTAD (AAN): Recientemente DIARIO a entrevista coordinador di Tienda di Educacion Corina Linssen, kende a splica cu ta logico cu hendenan tin dificultad cu e situacion actual, mirando cu nunca nan a wordo confronta cu e hecho cu nan yiunan tan a cas durante e dia complete.

“Nos mesterbusca un manera, un structura nobo y pesey nos a conseha nos mayornan pa papia cu nan yiunan y traha un structura”.

Esaki segun Linssen, kende a splica cu for di comienzo di dia mester palabra un plan pa e dia.

Bo por haci e plan tambe pa cada dia, pa cada siman.

“Por ehempel bo ta bisa nan nos ta bay desayuna, nos ta bay cana den barrio of na Linear Park of banda di laman, pasobra bo mester percura pa tin movecion pa e muchanan”.

“Si e muchanan no por move nan ta bira mas druk y abo ta haya mas stress”.

“Naturaleza ta yudabo, pero no bay na un lugar unda cu tin hopi hende”, segun Linssejn, kende a sigui bisa cu despues di esey por hunga weganan na mesa cu e muchanan, hunto por haci obranan di man y ora cu bo cushina, laga e muchanan yuda cu preparacion di e cuminda.

“Naturalmente bo mester laga nan wak television y hunga weganan riba tablet, pero percura pa esaki no ta full dia”.

“Mester planea pa cuanto ora bo ta laga e muchanan haci esakinan”.

“E por yuda tambe pa haci tareanan den cura manera piki yerba, yuda laba paña etc.”, segun Linssen.

El a sigui bisa cu si e mucha chikito no tin gana bo por motive cu cantica.

Pa e muchanan mas grandi tin otro cosnan cu ta conta.

Bo mester duna nan chens pa expresa nan mes, pasobra nan por tin cierto preocupacionnan riba por ehempel con ta bay para cu scol, examen of baymento pa studia.

“No bisa nan mami y papi tambe tin stress, pasobra nan mester haya chens pa expresa nan mes”., segun e coordinador di Tienda di Educacion, kende a splica cu si mayornan tin pregunta nan por yama 161, pasobra e tienda ta keda accessible di Dialuna te cu Diabierna di 8’or di mainta te cu 9’or di anochi.

Riba e pagina di Facebook di e tienda tin hopi informacion y constantemente cu informacion nobo via entre otro videonan.

- Advertisement -

DUNA COMENTARIO

Please enter your comment!
Please enter your name here