Home Salud Tempo di recuperacion pa COVID-19 ta depende di estado di salud cada...

Tempo di recuperacion pa COVID-19 ta depende di estado di salud cada pashent

127
0
SHARE
- Advertisement -

Docter Wilmer Salazar di DVG

ORANJESTAD (AAN): Docter Wilmer Salazar, epidemiologo di Departamento di Salud Publico (DVG) a splica riba fase di recuperacion di un persona cu a haya covid-19 y kico mester tuma lugar despues cu a dicidi cu e pashent no ta representa un peliger di contagio pa su famia y comunidad.

Docter Salazar a splica cu den estudio cu a wordo haci, en general, e tempo di recuperacion di un persona cu tin sintomanan leve ta di mas o menos 2 siman. Pa esnan cu tin sintomanan di covid-19 mas modera of severo, e por duna mas, di 3 pa 6 siman.

El a enfatiza cu ta depende di su condicion immune, estado di salud di e persona, e cantidad di virus cu ta invadi su curpa, tur factor cu e virus por sigui den curpa mas di lo normal of menos.

Asina cu un persona ta wordo diagnostica cu covid-19 y e tin sintomanan leve, e persona mester keda den isolacion pa 14 dia. Den e 14 dia aki, e mester cumpli cu cierto norma y actividadnan pa limita cu e virus por plama na otro hende.

Durante fase di recuperacion, asina cu e persona cumpli cu su 14 dia, cu cierto condicionnan, manera, su sintomanan a baha drasticamente; no tin keintura pa por lo menos 3 dia, sin tuma ningun remedi pa baha keintura, e ora ta bay na parti di e test.

E test ta conoci como un PCR, cu ta detecta y determina e material genetico di e virus, docter Salazar a enfatiza cu esaki ta altamente specifico, kiermen si e virus ta presente of ta parti di dje, e test por detect’e.

Si e PCR ta sali dos biaha negativo den un periodo di 24 hora, nan ta considera cu e pashent a recupera y no ta bay tin peliger di contaminacion.

- Advertisement -

DUNA COMENTARIO

Please enter your comment!
Please enter your name here