Home Policial Task Force nobo pa bay den barionan y yuda pueblo bira conciente...

Task Force nobo pa bay den barionan y yuda pueblo bira conciente con ta combati Coronavirus

216
0
SHARE
- Advertisement -

ORANJESTAD (AAN): Halto Comisario interino Vanessa Kock, riba Diasabra anochi a revela na publico, di un proyecto nobo cu a start cu e meta principal pa autoridad bay den bario pa asina yuda concientiza hendenan con pa combati Coronavirus.

Kock a mustra cu e ta un proyecto cu a nace Diasabra a base di acuerdo cu e Crisis Team di Gobierno cu ta coordina tur cos pa combati Coronavirus.

Aki Kock a bisa cu hopi biaha nos no ta para keto con pa concientiza pueblo.  Autoridad ta traha cu ley y tin di mantene orden a base di esey.

Pero e proyecto nobo aki lo bay ta uno preventivo.  Aki Halto Comisario interino Vanessa Kock a bisa cu a lanta un Task Force cu mester a bay dedica nan mes con pa concientiza barionan na un forma mas social y preventivo.

A base di esaki a lanta “Hunto Nos T’e Solucion”.

Esaki a bira posible den un colaboracion estrecho cu Rampenbureau di Aruba, y asina a yega cierto acuerdo pa drenta bario na un forma social y creativo cu e meta pa concientiza di tur riba e asunto pa combati e brote di Coronavirus Covid-19.

Cu esaki, Polis ta mustra cu nan no tey pa actua contra bo, pero ta actuando a base di diferente ley, pa asina barionan compronde pakico e actuacion di polis ta asina.

Esaki ta e forma cu nan kier hacie cu e grupo aki, pa na final di dia por yuda concientiza tur hende na un forma social con por combati e Coronavirus.

 

- Advertisement -

DUNA COMENTARIO

Please enter your comment!
Please enter your name here